“Bakı”nın yeni hücumçusunun adı məlum oldu (EKSKLÜZIV, yenilənib)

“Bakı”nın yeni hücumçusunun adı məlum oldu (EKSKLÜZIV, yenilənib)
ÖLKƏ FUTBOLU 11 Avqust 2009 / 15:35 3247
-  A +

Avroliqanın play-off mərhələsində İsveçrənin “Bazel” klubuyla qarşılaşacaq “Bakı” ciddi sınaq öncəsi hücumçu problemini həll edib. Qol.Az-ın əldə etdiyi məlumata görə, “zolaqlılar” Batistanın əvəzinə rumıniyalı Daniel Opritanı transfer edib. Tam adı Daniel İonel Oprita olan hücumçu 1981-ci il avqustun 10-da Draqanaeşti şəhərində anadan olub. 27 yaşlı forvard karyerasına “FCM Reşita”da başlayıb. 2002-ci ilə qədər bu klubun şərəfini qoruyan Oprita 33 matçda 7 qol vurub. Daha sonra “Styaua”ta transfer olunan hücumçu karyerasını ən parlaq dövlərini məhz burada keçirib. Buxarest klubunda keçirdiyi 5 mövsümdə 107 matçda forma geyib və 15 qola imza atıb. Daha sonra Buxarestin digər klubu “Dinamo”ya yollanan forvard burada yalnız 5 matçda meydana çıxıb. Opritanın vətənində çıxış etdiyi sonuncu klub “UTA Arad” olub. Burada da çox qalmayan (6 oyun) futbolçu ardınca İspaniyada legioner həyatı yaşayıb. Amma onun İspaniya macərası çox çəkməyib. İkinci liqa təmsilçisi “Lorca Deportivo”da yalnız 3 matçda forma geyib. Opritanın sonuncu klubu İsveçrənin “Aarau” klubu (12 matç) olub. Oprita 6 oyunda Rumıniya milli komandasının da şərəfini qoruyub. Xatırladaq ki, Oprita bir müddət əvvəl “Bakı”nın düşərgəsində baxışda olmuşdu. Forvard hətta “Hayduk”a qarşı keçirilən yoxlama oyununda fərqlənməyə də imkan tapmışdı.

                                                         ***

Bu dəqiqələrdə əldə etdiyimiz məlumata görə, rumıniyalı forvard artıq bu gün axşam ölkəmizdə olacaq. Opritanın sabahdan etibarən "Bakı"nın məşqlərinə qatılacağı gözlənilir.  

 

Daha çox


Son xəbərlər
27.03.24  21:58

Keyn sağaldı