"Sabah"ın baş məşqçisi Elşad Əhmədov Qol.az-a müsahibə verib. Komandasının son turlardakı çıxışını dəyərləndirən gənc mütəxəssis millimizin UEFA Millətlər Liqasında Farer adaları və Kosovo ilə keçirəcəyi oyunlara da toxunub.
- "Sabah" son oyunlarda bir qədər inamsız təsir bağışlayır. Hələ 9-cu turda evdə "Zirə" ilə görüşdə qələbə qazansanız da, rəqib sizdən daha üstün oynamışdı. Son iki matçda isə əvvəl "Qəbələ", ardınca "Səbail"ə uduzdunuz. Enişin səbəbini nədə görürsünüz?
- Komandamızda bir-birini əvəzləyə biləcək futbolçular yoxdur. Ehtiyat heyətimiz elə də geniş deyil. Marko Deviçin olmamağı oyunumuza təsir edir. Düzdür, komanda bir futbolçudan asılı deyil. Onsuz da oynaya bilirik. Amma bizim üçün vacib oyunçudur. "Zirə" ilə matçın 75-ci dəqiqəsində Kərim Diniyevin zədələnib meydandan çıxmasından sonra isə narahatlıqlar başladı. Həmin görüşə kimi son 5 oyunda top buraxmamışdıq. Qapımıza ümumilikdə 8 qol vurulmuşdu. Son 3 turda isə 7 top buraxmışıq. Kərimin olmaması bunda həlledici rol oynayıb. Ümumiyyətlə, Marko ilə Kərimin yoxluğu özünü hiss etdirir.
- Sanki komandada bir az yorğunluq da var. "Səbail"lə oyunda futbolçular meydanda gəzirdilər. Çoxu topsuz hərəkət etmək istəmirdi...
- Yorğunluq "Qəbələ" ilə matçda ola bilərdi. Amma "İnstat"ın göndərdiyi təhlillərdə görünür ki, rəqiblərdən heç də az qaçmamışıq. Hətta elə oyun olub ki, onlardan çox hərəkət etmişik. Ona görə də bunu yorğunluqla əlaqələndirməzdim. O ki qaldı "Səbail"lə oyuna, yadınıza salın, ilk epizod bizdə oldu. Növbəti epizodda isə qapımıza qol vurdular. Bu isə psixoloji tərəfdən uşaqlara mənfi təsir etdi. 26-cı dəqiqədə 2-ci topu buraxdıq. Buna qədər "Səbail"in kəsərli hücumu olmuşdu? Düzdür, rəqib bizi yaxşı analiz etmişdi, taktiki planda da əla oynadı. Ancaq topa nəzarət bizim tərəfimizdə idi. Qapımızda qol gördükdən sonra 2-3 real imkanımız olmuşdu. Sadəcə, son nöqtəni qoya bilmədik. Növbəti qoldan sonra isə komanda özünə gələ bilmədi. İkinci hissəyə yaxşı başladıq, ilk 7-8 dəqiqəni pis keçirmədik. Onda da "Səbail" vaxt aparmağa başladı. Hardasa 4 epizodda futbolçuları yer yıxıldı. Hətta mən də qışdırdım ki, bu qədər olmaz. Yenə də öz səhvimizdən 3-cü qolu buraxdıq. Bundan sonrasını isə heç danışmağa dəyməz.
- Özünüz də qeyd etdiniz ki, ehtiyat heyətiniz geniş deyil. Adətən qış transfer pəncərəsində yaxşı futbolçu tapmaq asan olmur. Həm bunu, həm də büdcəni nəzərə alsaq, necə düşünürsünüz, fasilədə problemi aradan qaldırmaq mümkün olacaq?
- Biz sıfırdan başlayanda "Sabah" klubuna kim gəlirdi? Heç kim. Futbolçu tapa bilmirdik. Çoxu diviziondan gələn uşaqlardır. Amma bu gün "Sabah"ın adını eşidən bir çox futbolçu komandaya gəlmək istəyər. Bu, o demək deyil ki, gözaltı etdiyimiz oyunçular var. İnanıram ki, kimlərsə "Sabah"ın adına görə nələrsə fikirləşər. Kimin gəlib-gəlməyəcəyini zaman göstərəcək. Bacarsaq, imkan olsa, qışda heyəti gücləndirəcəyik. Əks halda, bu heyətlə davam etməliyik ki, mövsümü başa vuraq.
- Kubokda ilk rəqibiniz birinci divizionda autsayderlər qrupunda yer alan "Ağsu" olacaq. Turu keçsəniz, növbəti mərhələdə "Qəbələ" ilə qarşılaşacaqsınız. Ümumiyyətlə, püşkü necə dəyərləndirirsiniz?
- İlk mərhələdəki rəqibimiz divizion təmsilçisidir. Bu barədə nə deyə bilərəm ki? Məncə, normaldır. Ancaq növbəti mərhələdə "Qəbələ" ilə düşdük. Bizim üçün həqiqətən çox ağır olacaq. Əgər onları keçə bilsək, "Qarabağ"la qarşılaşa bilərik. Əlbəttə, bu rəqibləri nəzərə alsaq, çətin olacağını deyə bilərəm. Amma özümüzü sınayacağıq. Məqsədimiz mümkün qədər irəliləməkdir.
- Son olaraq, milli komanda ilə bağlı soruşmaq istərdim. Yığmamızı qarşıda olduqca vacib oyunlar gözləyir. UEFA Millətlər Liqasının qrup mərhələsində əvvəlcə evdə Farer adaları, ardınca isə səfərdə Kosovo ilə qarşılaşacağıq. Şansları necə dəyərləndirirsiniz?
- Hamı kimi mən də millidən qələbə gözləyirəm. Yığma ölkə futbolunun güzgüsüdür. Onlara uğurlar arzu edirəm. Ümid edirəm ki, hər iki oyunda qələbə qazanarlar. Hər iki rəqibi udmaq gücündəyik. Ciddi hazırlaşıb, qalib gəlmək olar. Oynasalar, hər şey mümkündür.
Elnur SALAHOV
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu