Serqey Skaçenko, Oqtay Dərəlioğlu, Valentin Belkeviç, Zurab Xizanişvili, Maris Verspakovskis, Mixaylo Starostyak, Uinston Parks, Artyom Bezrodnı, Valeri Abramidze, Emil Mpenza, İqor Mitreski, Aleksey Qay...
Bütün bu futbolçuları birləşdirən ortaq nöqtə var. Xeyr, söhbət yalnız onların nə vaxtsa Azərbaycan klublarında oynamağından getmir. Bu futbolçular Çempionlar Liqasının əsas mərhələsində oynamaq xoşbəxtliyi yaşayıb. Çox güman ölkəmizdə çıxış etmiş və bu xoşbəxtliyi yaşamış, amma adlarını unutduğum başqa futbolçular da olub. Hazırda isə hansısa ayrı oyunçu yox, çempionumuz "Qarabağ" ÇL-in qrup mərhələsində debüt edəcək. Bu xoşbəxtliyi klub üzvləri yanaşı bütün Azərbaycan və bütün dünya azərbaycanlıları yaşayacaq!
1:5, 0:6, 4:8... Hazırda Azərbaycanda oynayan, ən son ÇL qrupu həyəcanı yaşamış futbolçunun komandası bu hesablarla darmadağınlarla üzləşdi. Söhbət "Qarabağ"ın yeni transferi Yakub Jezniçakdan gedir. Ötən mövsüm "Legiya"nı kapitan kimi 5 ÇL qrupu oyununa çıxaran polşalı Kriştiano Ronaldo kimi dünya ulduzuna qarşı mübarizə apardı. Hətta 3:3 hesabı ilə bitən ev oyununda "Real"dan xal almağı da bacardılar. "Kuba" ləqəbli müdafiəçi Lissabon "Sportinq"i ilə oyunda qələbə sevinci də yaşadı. Amma "Legiya"nın səfərdə "Real"a 1:5, "Borussiya"ya isə 4:8 hesablı məğlubiyyətlərinə mane ola bilmədi. Dortmundlulara 0:6 hesablı məğlubiyyətdə isə Jezniçak iştirak etməmişdi.
Bu mövsüm "Şerif"ə məğlubiyyətdən sonra hətta avroliqada da mübarizəni dayandıran "Legiya" ilə müqayisədə "Qarabağ" güclüdü. Ona görə də çempionumuzdan daha uğurlu nəticə gözləmək olar. Amma rəqiblərimizə böyük hesablarla uduzsaq belə, bu, faciə olmayacaq. Çünki onlar həqiqətən çox güclüdü. Amma biz komandamıza inanırıq və yetərincə yaxşı çıxış edib bütün qitəni təəccübləndirəcəyimizə ümid var. Jezniçaka qayıtdıqda o Dortmunddakı oyunda 8-ci qolu öz qapısından keçirərək adını tabloya yazdırıb. İnşallah, bu dəfə "Kuba" rəqib qapıçını məyus edər.
Çoxları Yakub Jezniçakın "Qarabağ"ın ÇL qrupu görmüş yeganə futbolçusu olduğunu düşünsə də, bu, belə deyil. Digər üzv də yeni transferdi. Artyom Kanibolotskinin ÇL-in qrupundakı debütündən hələ heç 2 il keçməyib. 2015-ci ildə "Şaxtyor"un heyətində "Malmö" üzərində 4:0 hesablı ev qələbəsində 90 dəqiqə qapını toxunulmaz saxlayan Kanibolotskinin Parisdə də bu uğuru təkrarlamasına Zlatan İbrahimoviç mane olub. "İbra" əvvəlcə Lukasa məhsuldar ötürmə verib, daha sonrasa özü "Qarabağ"ın indiki qapıçısını məyus edərək PSJ-nin "Şaxtyor" üzərində 2:0 hesablı qələbəsini rəsmişləşdirib. Subyektiv fikrimi deyim ki, zənnimcə, Anton Kanibolotski İbrahim Şehiçdən daha usta və az səhv buraxan qapıçıdı. ÇL qrupunda Şehiçlə müqayisədə özünəinamlı təsir bağışlayan ukraynalıya Qurban Qurbanovun şans verəcəyinə şübhəm yoxdu. Yeganə diləyim bunun bosniyalı qolkiperin səhvindən sonra baş verməməsidi.
Bu iki futbolçu ÇL təcrübəsi olmayan komanda yoldaşlarının Londonda "Çelsi"yə qarşı ilk oyunda həyəcanlanmaması üçün böyük kömək verəcək. Çempionun ev oyunlarını paytaxtımızın yeni rəmzlərindən Bakı Olimpiya Stadionunda keçirməsi, 70 minlik nəhəng arenada ilk matça - bu ayın 27-si keçiriləcək "Roma" ilə qarşılaşmaya biletlərin qiymətinin ÇL qrupu üçün həddindən artıq ucuz qiymətə (2-50 AZN) satışa çıxarılması və yüksək templə azalması anşlaq olacağına şübhə yeri qoymur.
İtalyanlarla ən azı Bakıdakı oyunda azarkeşlərin də böyük dəstəyi ilə hamımızı sevindiricək nəticələr qazanağımıza ümid yaradır. Hələliksə "Qarabağ"a "dünyanın ən mötəbər klub turnirində debütündə uğurlar arzulayaq! Qurban Qurbanovun komandasının ağır London səfərindən də üzüağ dönəcəyinə inanaq və Azərbaycan təmsilçisinin ÇL qrupunda oyunundan tarixdə ilk dəfə həzz alaq.
Anar ŞABANOĞLU
[email protected]
"Futbol+" qəzeti
"Latsio"da yeni baş məşqçi
"Bakı Sportinq" - "Lerik" oyunundakı 5 qol - Video
"Turan Tovuz"un legioneri milliyə dəvət aldı
Tanınmış klubun 4 xalı silinir
"Şahdağ Qusar"ın qələbəsi - Video
Futboldan ömürlük uzaqlaşdırıldılar - AFFA-dan sərt qərar
Yassin Benzia 5 il yarımdan sonra milliyə çağırıldı
"Şahdağ Qusar" və "Bakı Sportinq"dən qələbə
"Neftçi" - "Spartak" matçının biletləri satışda
"Juninyonu "Qarabağ"da saxlamaqda çətinlik çəkəcəyik"
Azərbaycan millisinin oyunlarına hakim təyinatları açıqlandı
Lunyov Rusiya yığmasının düşərgəsinə qoşuldu
"Frayburq"da Ştrayx dövrü başa çatır
Ançelotti Arda Güleri təriflədi
İnfantino Türkiyə Superliqasındakı qalmaqaldan danışdı
"Neftçi" - "Spartak" oyununun saatı açıqlandı
"Turan Tovuz" - "Qarabağ" matçını nə qədər azarkeş izləyib?
Kovaçı Hasenhyüttl əvəzlədi
“Qarabağ”dan 21-ci əsrin rekordu
"Traktor" növbəti qələbə ilə 3-cü pilləyə yüksəldi
Coşqun oynadı, "Ümraniyespor" qələbə qazandı
"Bayer" seriyanı davam etdirdi, yeni rekorda imza atdı
"Mançester Yunayted” “Liverpul”u kubokdan kənarlaşdırdı
Rahilin komandasından heç-heçə
Musanın komandası finala yüksəldi
"Sabah"ın səfər qələbəsi - Video
"Bunu oturub, başbilənlər fikirləşməlidir" - Samir Abasov
Bəxtiyar Türkiyədə növbəti oyuna çıxdı
"Sabah" 2-ci pilləyə yüksəldi, "Qarabağ"dan qələbə
7 qol vuruldu, "Qalatasaray" qalib gəldi
"Turan Tovuz"un futbolçusunun burnu sınıb
"Qarabağ"ın qələbəsi - Video
İsgəndərli oynadı, "Boluspor" heç-heçə etdi
"Sumqayıt" - "Sabah": Heyətlər açıqlandı
Tovuzda stadion ağzınadək doldu - Video
AFFA-dan “İrəvan” klubu ilə bağlı qərar
"Mançester Siti"dən Edersona yeni müqavilə
U-17 millisi 4 qolla uduzdu