“Qarabağ" "Seltik"ə uduzdu

Bu gün Çempionlar Liqasının III təsnifat mərhələsinin ilk oyunları keçirilib.

Qol.Az-ın məlumatına görə, qitənin ən nüfuzlu klub turnirində yeganə təmsilçimiz olan “Qarabağ” da növbəti oyununa çıxıb.

Qurban Qurbanovun komandası Şotlandiyanın “Seltik” klubu ilə qarşılaşıb. Ardıcıl dörd mövsüm, ümumilikdə isə 46 dəfə ölkəsinin çempionu olan Qlazqo təmsilçisi ilə komandamızı çətin oyun gözləyirdi.

“Qarabağ” Azərbaycan futbolu tarixində Şotlandiya klubu ilə görüşən ilk komanda olub. Ağdam təmsilçisi Şotlandiya səfərindən sərfəli nəticə ilə qayıtmaq niyyətində idi. Matçın taleyini bir qol həll edib. Boyatanın görüşün 82-ci dəqiqəsində vurduğu qol "Seltik"ə minimal hesablı qələbə qazandırıb - 1:0.

Qeyd edək ki, bu komandalar arasında cavab görüşü avqustun 5-də, Bakıda keçiriləcək.

 

29 iyul

Çempionlar Liqası, III təsnifat mərhələsinin ilk oyunu

23:45. "Seltik" (Şotlandiya) - "Qarabağ" (Azərbaycan) - 1:0
Qol: Boyata, 82 (1:0)
Baş hakim: Robert Şörgenhofer (Avstriya)
Qlazqo. “Seltik Park” stadionu 



"Seltik": Qordon, İsaqirre, van Deyk, Boyata, Lustiq, Biton, Skott Braun (k),Armstronq, Makkay Stiven, Yohansan, Nadir Çiftçi

Ehtiyat oyunçular: Baillu, Ambrose, Yanko, Kommons, Rogic, Forrest, Qriffiths

"Qarabağ": İbrahim Şehiç, Qara Qarayev,  Rəşad Sadıqov (k), Riçard Almeyda, Ansi Aqolli, Dani Kintana, Bədavi Hüseynov, Reynaldo, Alharbi Əl Jadeyaoui, İlqar Qurbanov, Cavid Tağıyev

Ehtiyat oyunçular: Fərhad Vəliyev, Elvin Yunuszadə, Vüqar Mustafayev, Elvin Məmmədov, Raydell Puponu, Coşqun Diniyev, Azər Salahlı




Oyun başladı

5. Rəqib komanda pressinq tətbiq etmək istəyir.
7. "Qarabağ" oyunu bərabərləşdirdi.
10. Oyunda ilk küncdən zərbəni "Qarabağ" yerinə yetirir.
15. Bu dəqiqələrdə rəqib yenidən ərazi üstünlüyünü ələ keçirməyə çalışır.
21. Oyunda ilk oyundan kənar vəziyyət qeydə alınır. "Seltik"i futbolçusu "ofsayd"a düşür.
24. Rəqib iki təhlükəli həmlə etsə də, nəticəsiz qalır.
29. Almeydanın zərbəsi qapıdan azacıq aralı keçdi.
32. "Seltik" ilk küncdən zərbəsini yerinə yetirdi, Şehiç çıxışda səhvsiz oynayır.
33. Reynaldo son anda İlqarın ötürməsinə çatmadı.
35. Maçtda ilk sarı vərəqə: rəqib komandanın futbolçusu İzagirre sarı vərəqə ilə cəzalandırıldı.
41. "Qarabağ" əla əks hücum təşkil etsə də, Alharbi son ötürməni dəqiq verə bilmədi.
44. "Seltik"in heyətində Van Dijik sarı vərəqə ilə cəzalandı.
44. Almeydanın cərimə zərbəsini qapıçı uzaqlaşdıra bildi.
45. İlk hissəyə 2 dəqiqə əlavə olundu.


İkinci hissə başladı

54. "Qarabağ" ardıcıl olaraq 2 dəfə topu küncdən zərbə ilə oyuna daxil etdi.
59. Cavid Tağıyev inanılmaz qol şansını əldən verdi.
60. İkinci hissədə inanılmaz temp var.
67. Şehiç möhtəşəm qurtarışı ilə komandanı qoldan xilas etdi.
70. Qara Qarayevin zərbəsi qapıdan azca aralı keçdi.
73. "Qarabağ"ın heyətində ilk əvəzləmə baş tutdu. Cavid Tağıyevin əvəzinə meydana Elvin Məmmədov daxil oldu.
78. Bu dəqiqələrdə "Qarabağ" topa sahib olmada üstünlüyü ələ alıb.
75. Son 15 dəqiqə, yağmurlu hava şəraitində davam edən oyunda hesab açılmayıb.
82. Matçda hesab açıldı. Boyata künc nöqtəsindən ötürülən topu dəqiq baş zərbəsi ilə qapıdan keçirib. Bu epizodda Şehiçə qarşı kobudluq olsada hakimin fiti susdu.
86. Elvin Məmmədovun zərbəsi qapının üzərindən keçdi.
87. "Qarabağ"ın heyətində dəyişiklik: Yeni transfer Raydell Pupon meydana daxil oldu. O, Alharbi Əl Jadeyaouini əvəzləyib.
90. Matçın əsas vaxtına 4 dəqiqə əlavə olundu.

Oyun başa çatdı