"Azərbaycana səfər hər zaman çətindir" – "Seltik"in futbolçusu

"Azərbaycana səfər hər zaman çətindir" – "Seltik"in futbolçusu
ÖLKƏ FUTBOLU 27 İyul 2015 / 18:45 6185
-  A +

"Qarabağ"da bir neçə braziliyalı və ispaniyalı futbolçu çıxış edir. Ancaq onların necə təsir bağışladığını deyə bilmərəm. Çünki "Qarabağ"ın oyunlarını kifayət qədər izləməmişəm".

Qol.Az-ın Britaniya mətbuatına istinadən verdiyi məlumata görə, bu sözləri "Seltik"in futbolçusu Stefan Yohansen deyib.

Norveçli futbolçu yığmasının heyətində "Avro-2016"nın seçmə mərhələsində millimizə qarşı keçirdikləri oyunları da yada salıb: "Qarabağ"ın Azərbaycan millisində çıxış edən bəzi futbolçularına qarşı forma geyinmişəm. Onlar çox sərt oynayırdılar. Bakıdakı matç zamanı hava soyuq idi. Qazona yıxıldığımız anda, formalarımız yaşıl rəngə boyanırdı. Rəqib yaxşı futbol sərgiləməyə çalışırdı. Ancaq bizə oynamaq imkanı vermirdi. Bu mənada Azərbaycana səfər hər zaman çətin olur. Lakin orada sərfəli nəticə qazanacağımıza inanıram".

Yohansen Çempionlar Liqasının III təsnifat mərhələsində qarşılaşacaqları "Qarabağ"la ilk oyunun əhəmiyyətindən də danışıb: "Avropada səfərə gedib, oynamaq hər zaman çətindir. Lakin Bakıdan sərfəli nəticə ilə qayıdacağımıza inanıram. İlk öncə isə evdə rəqibi məğlub edtməliyik. Öz meydanımızda top buraxmadan qalib gələrək, səfərdə qol vurmağımız bizim üçün böyük üstünlük olacaq. Buna görə də evdə qol buraxmadan qalib gəlməyimiz önəmlidir. Çempionlar Liqasının qrup mərhələsində oynamaq üçün yaxşı şansımız var. Bunun üçün bütün bacarığımızı ortaya qoymalıyıq".

Daha çox


Son xəbərlər
03.11.25  09:59

Salah Lemparda çatdı