18:20
"Neftçi" klubunun futbolçusu Mirhüseyn Seyidov Azərbaycan kubokunun yarımfinal mərhələsinin "İnter"lə ilk oyunundan sonra jurnalistlərin suallarını cavablandırıb
Qol.Az-ın məlumatına görə, qalib gəldikləri oyun (2:0) haqda danışan kapitan kubok mübarizlərindən də bəhs edib
- Oyuna çox yaxşı hazırlaşmışdıq. Meydan sahibi kimi bizə qələbə daha çox lazım idi. Düzdür, hələ hər şey həll olunmayıb. Ancaq cavab matçında da belə oynasaq, finala vəsiqə qazana bilərik.
- Rəqib komandanın penalti tələb etdiyi epizod haqda nə deyə bilərsən?
- Bu haqda heç nə deyə bilmərəm. Əgər orda penalti olsaydı belə, hər halda hakimin qərarına hörmətlə yanaşmalıyıq. Hakim penalti vermədisə, buna bir söz demək düzgün olmaz.
- Yəqin ki, eyni epizod rəqib qapısı yanında olsaydı, siz hakimdən penalti tələb edərdiniz.
- Ola bilər. Hamı öz komandsı üçün sərfəli qərar istəyir.
- "Neftçi" rəqibdən daha istəkli görünürdü. Bunu klubdakı son rəhbər dəyişikliyi ilə bağlamaq olar?
- Xeyr, dəyişikliyin o qədər də təsiri yoxdur. Özümüz dərk edirik ki, çempionatın finişinə az qalıb. Ən azı Avroliqaya vəsiqəni təmin etməliyik. Bunun üçün ən yaxın yolumuz kubokdur. Çalışırıq ki, biz də bir kubok qazanaq. İstəkli olmağımızın səbəbi odur ki, artıq çempionatın sonuna az qalıb. Yüksək yerlərdən birini tutmalıyıq.
- Oyundan sonra Çingiz Abdullayev sizə nə dedi?
- Bizi təbrik etdi. Komandada hər şeyin yaxşılığa doğru getdiyini söylədi. Müşahidə Şurasının üzvləri sağ olsunlar ki, həmişə bizə dəstək verirlər.
- Matç başa çatdıqdan sonra azarkeşlərdən biri forma almaq üçün sənə yaxınlaşdı, amma polis onu kobud şəkildə uzaqlaşdırdı. Adətən futbolçular azarkeşlərin könlünü almaq üçün məsələyə müdaxilə edir. Sən niyə belə jest etmədin?
- Mən polisə dedim ki, uşaqla işin olmasın. Ancaq həmin azarkeş məndən formamı yox, kapitanlıq sarğısını istəyirdi. Mən də ona bildirdim ki, hələ qarşıda oyunlarımız var (gülür).
- Premyer Liqanın növbəti turunda "Qəbələ" ilə keçiriləcək oyun haqda nə düşünürsən?
- Getdikcə oyunlar ağırlaşır. "Qəbələ" ilə oyun da həlledici matçlardan biridir. Rəqiblə xal fərqimizi daha da artırmağa çalışacağıq.
- "Qəbələ"nin son altı turda qalib gəlməyi sizi qorxutmur ki?
- Qətiyyən çəkinmirik. Özünüz də gördünüz ki, öz meydanımızda yaxşı oyun nümayiş etdiririk. Rəqibdən asılı olmayaraq, hər oyunda qələbə qazanmağa hazır heyətimiz var. Çalışacağıq ki, azarkeşlərimizi yenə sevindirək.
Enrike, Mareska, Flik...
Qallaher, yoxsa Neves?
"Arsenal" Fransa klubunda çıxış edən futbolçuya göz dikdi
Komandasını tribunada təkbaşına dəstəklədi
"Barselona"nın müdafiəçisi zədələndi
"Liverpul" İsakdan narahatdır
“Araz-Naxçıvan”ın qələbəsindən - Video
"Qarabağ"ın rəqibinin hücumçusu klubdan ayrılmağa hazırlaşır
"Atletiko" səfərdə inamlı qələbə qazandı
"Əzmkar qələbə qazandıq" - Elmar Baxşıyev
"Bu qədər qol epizodu ilə qalib gələ bilmədiyimiz oyunu xatırlamıram" - Ayxan Abbasov
Türkiyə klubundan istefa xəbəri gəldi
"Qarabağ" "Qəbələyə", "Araz-Naxçıvan" "Şamaxı"ya qalib gəldi
"Qəbələ" - "Qarabağ" matçındakı 3 qol - Video
PSV-dən yeni rekord
"Barselona"nın futbolçusu sıradan çıxdı
"Hakimin gözündə mənə qarşı nifrət var idi, mübahisəli qərarlar verirdi" - Kaxaber Sxadadze
"Bura "Qarabağ"dır, uşaq bağçası deyil" - Qurban Qurbanov
"Çelsi" müdafiəçisi ilə yollarını ayırmağa hazırlaşır
İspaniya klubu yeni baş məşqçisini açıqladı
"Araz-Naxçıvan" - "Şamaxı": Heyətlər
PSJ-dən rekord göstərici
"Fənərbaxça"da ciddi itki - Derbidə oynamayacaq
