Mourinyo: "Çelsi" ilə yarımçıq qalan işim yoxdur"

Mourinyo: "Çelsi" ilə yarımçıq qalan işim yoxdur"
GÜNDƏM 22 Aprel 2014 / 01:12 2062
-  A +

"Bu, Çempionlar Liqasının yarımfinal görüşüdür. Siz bu oyuna olan böyük marağı mətbuat konfransında iştirak edən insanların çoxluğundan görə bilərsəniz. Düşünürəm ki, hər bir futbolçu və məşqçi bu turnirdə iştirak etmək istəyər".

Qol.Az-ın məlumatına görə, bu sözləri "Çelsi" klubunun baş məşqçisi Joze Mourinyo Çempionlar Liqasının yarımfinal mərhələsinin ilk görüşü çərçivəsində bu axşam qarşılaşacaqları Madrid "Atletiko"su ilə oyunöncəsi keçirilən mətbuat konfransında deyib:

Portuqaliyalı mütəxəssis rəqibə hörmətlə yanaşdıqlarını və səfərdən sərfəli nəticə ilə ayrılmağa çalışacaqlarını bildirib: "Buraya "Atletiko"nun üstün cəhətləri haqda danışmağa gəlməmişəm. Çünki bu barədə artıq futbolçularımla söhbətim olub. Zəif komanda Çempionlar Liqasının yarımfinalına vəsiqə qazanmır. Çempionlar Liqası böyük turnirdir. Bu turnirdə oynamaq hər bir futbolçunun arzusudur. Rəqibə hörmətlə yanaşırıq. Onları yaxşı analiz etmişik və qələbə qazanmaq üçün əlimizdən gələni edəcəyik. "Çelsi" ilə Çempionlar Liqasında yarımçıq qalan işim yoxdur. Hər zaman bacarığımı ortaya qoyuram, bəzən qazanırsansa, bəzən də məğlub olursan. Ümid edirəm ki, Madriddən sərfəli nəticə ilə ayrılacağıq".

Qeyd edək ki, "Atletiko" - "Çelsi" oyunu bu axşam, Bakı vaxtı ilə saat 23:45-də başlayacaq.

Daha çox


Son xəbərlər