“Neftçi” klubunun yarımmüdafiəçisi Mirhüseyn Seyidovun Qol.Az saytına müsahibəsi
- Sabah Azərbaycan kubokunun yarımfinal mərhələsinin cavab oyununda “Qarabağ”la qarşılaşacaqsınız. Komandanın əhvalı necədir? Oyuna həm fiziki, həm də psixoloji cəhətdən hazırsınızmı?
- Hələ hansısa komandanın şanslarından danışmaq olmaz. Mərhələnin taleyi sabahkı oyuna qalıb. Birinci oyunda 2:1 hesabı ilə qalib gəlmişik. Çalışacağıq ki, rəqib meydanında qapının toxunulmazlığını saxlayaq. Komandamızda əhval-ruhiyyə yüksək səviyyədədir. Birinci oyundakı kimi cavab matçına da güclü hazırlaşmışıq. Bu gün sonuncu məşqimizə çıxacağıq.
- Əsas fikriniz qol buraxmamaqdır, yoxsa ənənəvi qaydada hücum futbolu oynayacaqsınız?
- Onsuz da hücum futbolu “Neftçi”nin taktikasıdır. Arxada oturmayacağıq. Qol buraxmasaq, mərhələni asan keçə bilərik. Ona görə deyirəm ki, qapımızı toxunulmaz saxlamağa çalışacağıq. Bunun nə dərəcədə çətin və ya asan olacağını sabahkı oyunda biləcəyik.
- “Qarabağ” çempionatın son oyununda bir neçə futbolçusuna istirahət vermişdi. “Neftçi”də isə eyni futbolçular sıx qrafiklə oynayırlar. Bu, sabahkı oyunda yorğunluğunuza səbəb ola bilər?
- Yox. Düzdür, bizdə çox vaxt eyni heyət oynayır. Amma kubok oyununun vacibliyini dərk edirik. Finalın bir addımlığında olduğumuzu düşünürük. Ona görə də yorğunluq olsa da, çalışacağıq ki, bunu hiss etdirməyək.
- Rəqibinizdə Admir Teli və Ansi Aqolli kimi futbolçular zədə səbəbindən meydana çıxa bilməyəcək. Bu, üstünlüyünüzü artıra bilər?
- “Qarabağ”ın geniş heyəti var. Orda ehtiyatda yaxşı yerli futbolçular çıxış edir. İlqar Qurbanovu, Bədavi Hüseynovu xüsusi vurğulamaq istəyirəm. Yəqin ki, onlar zədəli futbolçuları əvəz edəcək. “Qarabağ”ın iki əsas futbolçusunun yoxluğu bizə üstünlük vermir. Onlara da ən azı bizim qədər qələbə lazımdır. Öz meydanlarında qələbəyə kökləndiklərini bilirik.
- “Qarabağ”a hansısa sürpriz hazırlamısınız? Baş məşqçiniz Böyükağa Hacıyev bu barədə bildirib.
- İnanmıram, bu oyunda hansısa sürpriz olsun. Biz verilən tapşırıqları yerinə yetirməyə çalışırıq. Həmişəki oyunumuzu göstərə bilsək, sürprizə ehtiyac qalmayacaq.
- Bu mövsüm “Qarabağ”la dörd dəfə qarşılaşmısınız. Yəqin artıq rəqibi analiz etməkdə çətinlik çəkmirsiniz. “Qarabağ”ın hansı üstün keyfiyyətlərini qeyd edə bilərsən?
- Onlar bizim oyuna bələddirlər, biz də onların. Onsuz da bu iki komandanın oyunu hər kəsə bəlllidir. Hər iki komanda hücum futbolu oynayır. Onların hücumameylli futbol oynamalarını qeyd edə bilərəm. Orta xətdə yaxşı oyunçuları var. Biz də bu futbolçulara qarşı tədbir görməliyik. Onların bu üstün cəhətlərindən istifadə etməyinə imkan verməməliyik. Müdafiələri də yaxşı təsir bağışlayır. Bizim hücumçularımızı bağlamağa çalışacaqlar. Biz də bununla bağlı tədbir görəcəyik.
- Son vaxtlar meydanda az görünürsən. Səbəb nədir?
- Mən müntəzəm məşqimi edirəm. “İnter”lə oynadım. “Qarabağ”la da bir hissə oynadım. Çalışıram ki, hər zaman oyuna hazır olum ki, nə vaxt şans verilsə, bundan yaxşı istifadə edim. Az oynamağımın səbəbini tək özümlə bağlamıram. Özümü daima yaxşı formada saxlayıram.
- Mərhələni keçə bilməsəniz, bu, “Neftçi” üçün nə dərəcədə acı nəticə olar?
- Düzdür, futbolda hər şey ola bilər. Ancaq biz qarşımıza məqsəd qoymuşuq. Hesabda da irəliyik. Şansımız daha çoxdur. Ona görə də, heç bu haqda fikirləşmirik.
Ramiq AĞAMƏMMƏDOV
"Monako" onunla müqaviləni uzatdı
"Yamalın etdikləri adamı qorxudur" - "Real"ın futbolçusu
Millimiz Qazaxıstana uduzdu
"Kəpəz"in "Neftçi" üzərində qələbəsi - Video
Poqba futbola qayıdır
"Neftçi"nin sabiq futbolçusundan tənqid
"Borussiya"da itki
"Neftçi"dəki işimə görə pərişan deyiləm" - Qriqorçuk
"Bundan sonra daha yaxşı oyunlarımız olacaq" - Azər Bağırov
"Kəpəz" "Neftçi"yə 4 qolla qalib gəldi
“Real”da vəziyyət yaxşı görünmür" - Toni Kroos
"Qəbələ"in "Bakı Sportinq" üzərində qələbəsi - Video
1-ci Liqa: "Qəbələ" səfərdə qalib gəldi
"Haaland vəhşidir"
“Kəpəz" - "Neftçi": Heyətlər
Azərbaycan cüdoçusu bürünc medal qazandı
Erik Ten Haqın əvəzləyicisi tapıldı
Ramos "Yuventus"da?
Türkiyə millisinin heyəti müəyyənləşdi
Azərbaycan yığması Avro-2025-ə ilkin mərhələdən başlayacaq
Millimiz UEFA İnkişaf Turnirində son oyununa çıxır
Kökçünün komandasından məğlubiyyət
"Qəbələ"də ayrılıq
Azərbaycan millisinin heyəti açıqlandı
Okan Buruk üzr istədi
Azərbaycan millisi Türkiyəyə qarşı
"Beşiktaş"ın "Ayntraxt"a məğlubiyyəti - Video
Azərbaycan UEFA reytinqində gerilədi
"Qalatasaray" 1 xalı belə qazandı - Video
Santuş bu gün millimizin heyətini açıqlayacaq
Respublika Stadionundakı 3 qol - Video
"Qarabağ" Avropa Liqasında neçəncidir?
Sumqayıtda şotlandlar qalib gəldi