20:45
“Səfərdə oynasaq da, qələbə qazanmaq istəyirdik. Bunun üçün yaxşı hazırlaşmışdıq. Oyun da rahat keçirdi. İlk dqiqələrdə qol vurduq. Sonradan adi epizodlardan qapımızda iki qol gördük”.
Bu sözləri Qol.Az saytına açıqlamasında “Qəbələ”nin kapitanı Rəşad Abdullayaev Topaz Premyer Liqanın 27-ci turunda “Neftçi”yə qarşı keçirdikləri oyunu (1:2) şərh edərkən deyib.
R. Abdullayev keçmiş komandasına məğlubiyyətin səbəblərini də açıqlayıb: “Hesabda irəli çıxdıqdan sonra oyunun gedişi bizi arxaya çəkilməyə məcbur etdi. Çünki “Neftçi” çempionluğa oynayan güclü komandadır. Öz meydanlarında oynayırdılar. Mütləq qalib gəlməyə çalışırdılar. Hücum xətti güclü olduğundan iki qol vurmağı bacardılar. Müdafiədə bir anlıq boşluq yaratdıq. Rəqib qələbə topunu tez vurdu. İkinci topu qapımızdan belə tez buraxmasaydıq, qələbəni əldən verməzdik. Oyunun sonunda hücumlarımızı artırsaq da, qol vurmağa vaxt çatmadı".
R.Abdullayev oyunda hər komandadan bir futbolçuya qırmızı vərəqə verən baş hakim Əliyar Ağayevdən razı qaldığını bildirib: "Əliyar Ağayevin idarəçiliyi xoşuma gəldi. Qətiyyətli qərarlar verirdi. Epizodları şərh etmək istəmirəm. Hakim həmin epizodlara yaxın idi. Oyunu normal idarə etdi".
Mövsümün sonunda "Qəbələ" ilə müqaviləsi bitən kapitan başqa klublardan təklif aldığını bildirib: "Mayın sonuna qədər müqaviləm var. Gələn təkliflərə baxacağam. Hələ ki, "Qəbələ"nin uğurları üçün çalışıram. Qarşıda oyunlarımız var. Mövsüm bitəndə hansı təklifin daha sərfəli olduğunu düşünmək olar".
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
