20:45
AFFA FİFA referisi Anar Salmanova ağır cəza tədbiq edib. Qol.Az-ın məlumatına görə, buna A.Salmanovun Azərbaycan kubokunun 1/2 final mərhələsinin “Neftçi” – “Qarabağ” oyununda kobud səhvə yol verməsi səbəb olub.
AFFA və PFL rəsmiləri oyunun videoyazısına baxdıqdan sonra A.Salmanovun “Qarabağ”ın qapısına 64-cü dəqiqədə penalti təyin ediləndə (bu zaman hesab 1:0 Ağdam komandasının xeyrinə olub) qaydanın pozulmadığını üzə çıxarıb. Bu səbəbdən Anar Salmanovun mövsümün sonuna qədər Topaz Premyer Liqanın heç bir oyununa təyinat almayacağı dəqiqləşib. Bununla belə, əldə etdiyimiz başqa məlumata, görə bu, son cəza da deyil. A.Salmanov bundan da ağır cəzaya məruz qala bilər. Konkret olaraq, onun növbəti mövsümdən ya hakimlikdən birdəfəlik kənarlaşdırılması, ya da birinci diviziona göndərilməsi məsələsi müzakirə olunur.
Sadəcə, A.Salmanovun FİFA referisi statusunu daşıması səbəbindən AFFA hələlik daha sərt qərar çıxarmağa tələsmir.
Qeyd edək ki, həmin penalti epizodundan sonra “Neftçi” hesabı bərabərləşdirib, bundan sonra isə daha bir qol vuraraq qələbə qazanıb. Qol.Az-ın əldə etdiyi başqa bir məlumata görə, həmin epizodu görən “Neftçi” rəsmiləri də penaltinin olmamasını qəbul ediblər. Paytaxt klubu nümayəndələrinin hakimliklə bağlı açıqlama verməməsinin səbəbi də bununla bağlıdır.
Xatırladaq ki, Anar Salmanovun qərarından sonra “Qarabağ”ın vitse-prezidenti Tahir Gözəl AFFA-nın baş katibi Elxan Məmmədov və PFL prezidenti Ramin Musayevlə görüşərək haqsızlığa məruz qaldıqlarını bildirib və hakimlə bağlı ölçü götürülməsini tələb edib.
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
