“Bakı” klubunun müdafiəçisi Elvin Əliyevin Qol.Az saytına müsahibəsi
- Ölkə kubokunun yarımfinalının ilk oyununda “Xəzər Lənkəran”la qarşılaşdınız. Görüş haqda fikirlərini bilmək istərdik.
- Sevindirici haldır ki, həm gözəl oyun nümayiş etdirdik, həm də 1:0 hesabı ilə qalib gəldik. Amma bir tərəfdən üzülürük ki, daha böyük hesabla qalib gəlmək imkanımız olsa da, bacarmadıq. Rəqib müdafiəyə üstünlük verirdi. Lənkərana rahat gedə bilməyəcəyik. Kubok oyununda bir oyunla məsələ bitmir. Bilirik ki, “Xəzər Lənkəran” öz meydanında çox yaxşı təsir bağışlayır. Əlimizə düşən imkanlardan düzgün istifadə etsəydik, 3-4 qol vurardıq. Belə olsa, səfərdə daha rahat oynayardıq. Yenə də bizim məqsədimiz finala çıxmaqdır.
- Rəqib haqda nə deyə bilərsən?
- Biz əvvəlki “Xəzər Lənkəran”ı görmədik meydanda. Dəfələrlə bu komandayla derbi oyunlarımız olub. Rəqibi həmin komandaya bənzətmədim. Dişli, müqavimət göstərən “Xəzər Lənkəran” görmədik. Müdafiədə bir-birini başa düşmürdülər. Buna görə də qol epizodlarımız çox alındı.
- Bəs niyə bunlardan istifadə edə bilmirdiniz?
- Buna görə rəqibin qapıçısını təbrik etmək lazımdır. Orxan Sadıqlı dəfələrlə komandasını yüzfaizli qoldan xilas etdi.
- “Xəzər Lənkəran”ın baş məşqçisi Con Toşak da mətbuat konfransında bildirdi ki, “Bakı” böyükhesabla qalib gələ bilərdi, 1:0 hesabına görə təəssüflənməlidirlər.
- Bu, onun peşəkarlığıdır. Düz deyir, biz məyus olmuşuq ki, daha böyük hesabla gedə bilərdik. 1:0 çox çətin hesabdır.
- Belə oyunla finala çıxmaq şanslarınızın çox olduğunu söyləmək olar?
- İnanıram ki, Lənkəranda da belə oyun göstərsək, mərhələni biz keçəcəyik. Yenə də meydana özündənrazı çıxmamalıyıq. Birinci oyundakı hesabı unudaraq meydana çıxmalıyıq. Əsas məqsədimiz yenə də hücum etmək, qol vurmaq olmalıdır. Yenə deyirəm, bizi Lənkəranda rahat oyun gözləmir.
- Oyundan sonra futbolçular arasında qalmaqal yaranıb. Hadisə necə baş verdi?
- Oyun qurtaran kimi meydançanı tərk etdim. Deyəsən, azarkeşlər Kamran Ağayevin xətrinə dəyiblər.
- Finala çıxsanız, “Neftçi” ilə “Qarabağ”dan hansı ilə qarşılaşmaq istəyərdiniz?
- Bu komandalar Azərbaycan futbolunun qaymaqlarıdır. Ən güclü futbolçular oradadır. Ən güclü iki klubumuzdur. Bunların zəifi yodur ki, hansıylasa düşməyi arzulayaq. Bizim üçün ikisi də eyni gücdə olan komandadır.
- Topaz Premyer Liqanın 27-ci turunda “Qarabağ”la oyununuz var. Son vaxtlar həm “Bakı”, həm də “Qarabağ” yaxşı formadadır. Çempionata da kubok oyunu kimi yanaşırsınız?
- Çempionat bizim üçün bitməyb. Hər oyuna qələbə əzmiylə çıxırıq. Sadəcə bəzən bəxtimiz gətirmir, bəzən də imkanlardan istifadə edə bilmirik. “Qarabağ”ın necə hücumları olduğunu da bilirik, oyunçularının səviyyələrini də görürük. Rəqib qapısına necə gözəl qollar vurduqları da görmüşük. Komanda şəklində hücuma çox yaxşı qoşulurlar. Onlara qarşı yəqin ki, baş məşqçimiz yeni taktika düşünüb. O taktika ilə də oynayıb, qələbə qazanmağa çalışacağıq.
Ramiq AĞAMƏMMƏDOV
"Monako" onunla müqaviləni uzatdı
"Yamalın etdikləri adamı qorxudur" - "Real"ın futbolçusu
Millimiz Qazaxıstana uduzdu
"Kəpəz"in "Neftçi" üzərində qələbəsi - Video
Poqba futbola qayıdır
"Neftçi"nin sabiq futbolçusundan tənqid
"Borussiya"da itki
"Neftçi"dəki işimə görə pərişan deyiləm" - Qriqorçuk
"Bundan sonra daha yaxşı oyunlarımız olacaq" - Azər Bağırov
"Kəpəz" "Neftçi"yə 4 qolla qalib gəldi
“Real”da vəziyyət yaxşı görünmür" - Toni Kroos
"Qəbələ"in "Bakı Sportinq" üzərində qələbəsi - Video
1-ci Liqa: "Qəbələ" səfərdə qalib gəldi
"Haaland vəhşidir"
“Kəpəz" - "Neftçi": Heyətlər
Azərbaycan cüdoçusu bürünc medal qazandı
Erik Ten Haqın əvəzləyicisi tapıldı
Ramos "Yuventus"da?
Türkiyə millisinin heyəti müəyyənləşdi
Azərbaycan yığması Avro-2025-ə ilkin mərhələdən başlayacaq
Millimiz UEFA İnkişaf Turnirində son oyununa çıxır
Kökçünün komandasından məğlubiyyət
"Qəbələ"də ayrılıq
Azərbaycan millisinin heyəti açıqlandı
Okan Buruk üzr istədi
Azərbaycan millisi Türkiyəyə qarşı
"Beşiktaş"ın "Ayntraxt"a məğlubiyyəti - Video
Azərbaycan UEFA reytinqində gerilədi
"Qalatasaray" 1 xalı belə qazandı - Video
Santuş bu gün millimizin heyətini açıqlayacaq
Respublika Stadionundakı 3 qol - Video
"Qarabağ" Avropa Liqasında neçəncidir?
Sumqayıtda şotlandlar qalib gəldi
"Əvvəl ola bilər ki, daha istəkli idik" - Qurban Qurbanov
"Bu gün daha məntiqli oynadıq" - "Malmö"nün baş məşqçisi
“Qarabağ” “Malmö”yə də uduzdu