20:45
“Xəzər Lənkəran” klubunun sabiq baş məşqçisi Yunis Hüseynovun Qol.Az saytına müsahibəsi
- Bu yaxınlarda səhhətinizdə problem yaranmışdı. İndi durumunuz nə yerdədir?
- Belimdə biraz ağrılar var idi. Allaha şükür, indi yaxşıyam. Müalicəmi başa vurdum. Həkimlər 10-15 gün dincəlməyimi tapşırıb. Ondan sonra hər qaydasında olacaq.
- Hansısa klubdan təklif almısınız?
- Heç bir klubdan təklif almamışam. Hələ ki, istirahət edirəm.
- Nə işlə məşğulsunuz?
- Hələ ki, boşluqadur. Heç bir işim yoxdur. Belim ağrımazdan əvvəl yoldaşlarla futbol oynayırdıq, indi onu da edə bilmirəm. İnşallah, 10-15 gündən sonra bir iş haqda fikirləşəcəyəm.
- “Neftçi” veteranları ilə Avropa veteranları arasındakı görüşə dəvət almısınız?
- Yox. Oqtay Abdullayev saytların birində bildirib ki, guya məni dəvət edib. Amma belə şey olmayıb.
- Uzun illər “Neftçi”nin kapitanı olmusunuz. Dəvət olunmamağınızı necə qarşıladınız?
- Vallah, bilmirəm, niyə dəvət etməyiblər. Onsuz da dəvət etsələr belə, belimdən müalicə aldığıma görə oynaya bilməyəcəkdim. Oqtay müəllim mənə 5-6 ay qabaq demişdi ki, səhər 8-də futbol oynayırıq. Amma deməmişdi ki, veteranlarla oyuna hazırlaşırıq.
- Topaz Premyer Liqanın gedişatı haqda nə deyə bilərsiniz? Bu gün komandaların çıxışları qaneedicidir?
- Bütün oyunlara baxıram. Maraqlı oyunlar da olur, sönük oyunlar da olur. Heç bir dəyişiklik yoxdur. Səviyyə də eynidir.
- Son klubunuz “Xəzər Lənkəran”ın indiki durumu haqda nə deyə bilərsiniz?
- Onu deyə bilərəm ki, “Xəzər Lənkəran”ın durumu pisdir. Həmişə çempionluğa oynayan komanda olub. Əfsuslar olsun ki, indi ikinci “altılıq”da oynayırlar.
- Komandaya Con Toşak kimi mütəxəssis gəlib. Bu baş məşqçi ilə kuboku qazana bilərlər?
- Toşak səviyyəli məşqçidir. Yəqin ki, kuboku qazana bilərlər.
- Hansı komandanın oyununu bəyənirsiniz və hansı komandalar daha iddialıdır?
- Çempionluğa üç komanda – “Neftçi”, “Qarabağ” və “inter” namizəddir, bunlar daha iddialıdır. Aşkar görünür ki, çempionluq uğrunda mübarizə bu üç komanda arasında gedəcək. Bu komandalardan üçü də stabil oyun nümayiş etdirmir. Yaxşı oyunları da olur, pis oyunları da. İndi onların hansınınsa uduzmağı hələ şanslarının azalması demək deyil. Qarşıda altı oyun var. Sabah da kubok oyunları olacaq. “Neftçi” – “Qarabağ” oyunu çox gərgin və maraqlı olacağı gözlənilir. Hansı komandanın əsəbləri sakit olsa, psixoloji cəhətdən oyuna hazır olsa, həmin komanda qalib gələcək.
Ramiq AĞAMƏMMƏDOV
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
