20:45
Zaqatalanın “Simurq” klubunun sabiq baş məşqçisi Sergey Yuran Azərbaycan Premyer Liqası haqda fikirlərini bildirib. Qol.Az-ın xəbərinə görə, “Sovestki sport”a müsahibəsində o deyib ki, Azərbaycan çempionatı çox da yüksək səviyyədə olmasa da, maraqlıdır.
“Büdcəsi yaxşı olan beş-altı klub çempionluq üçün oynayır. Bunlar “Neftçi”, “Bakı”, “Qarabağ”, “Xəzər Lənkəran”, “İnter” və “Qəbələ”dir. Orada oyunlarda anşlaq olur. Doxsan dəqiqə mübarizə gedir. Azərbaycan Premyer Liqasının səviyyəsi məni yaxşı mənada təəccübləndirdi, orada yenidən məmnuniyyətlə işləyərdim”.
“Arsenal”ın futbolçusu Andrey Arşavinin Azərbaycana transferinin mümkünlüyü haqda suala cavabında S.Yuran deyib: “Artıq Rusiyada heç kim Arşavini çiyini üstə gəzdirməyəcək. Orada isə bütün ölkə səs-küy qaldıracaq ki, Arşavin gəlib. Əminəm ki, o, bir model kimi adi səfər etməyi yox, yenidən sevgi və hörmət istəyir. Azərbaycan çempionatı sadə deyil, orada sənə tək ayaqla oynamağa imkan verməzlər”.
Arşavinlə maraqlandığı iddia olunan “Xəzər Lənkəran”ın təmsil etdiyi şəhər haqda da danışan Yuran deyib: “Deyəsən, Lənkəran İranla sərhəddə yerləşir. Orada insanlar öz komandalarını sevirlər. Əlbəttə, Moskva və Piterdəki kimi deyil. Amma hər halda komandalarına pis azarkeşlik etmirlər. Əgər Arşavin qərar qəbul etsə, başa düşməlidir ki, meqapolisə getmir. Orada teatr və italyan restoranları yoxdur. Amma yerli mətbəxləri çox dadlıdır. Xüsusən qoyun əti ilə olan kababları”.
S.Yuran onu da deyib ki, Qazaxıstandan fərqli olaraq, Azərbaycanda maaşla bağlı problemi olmayıb: “Maaşımı vaxtlı vaxtında alırdım”.
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
