20:45
“Neftçi” klubunun müdafiəçisi Elvin Yunuszadənin Qol.Az saytına müsahibəsi
- Topaz Premyer Liqanın 25-ci turunda böyük qalmaqala səbəb olan “Qarabağ”la oyun haqqında fikirlərini bilmək istərdik.
- “Qarabağ”ın gücünə bələdik. Azərbaycanda ən yaxşı komandalardandır. Penalti epizoduna qədər başabaş oyun gedirdi. Qol buraxmağımız oyunumuza təsir etdi. Müdafiəni yox, ancaq hücumu fikirləşirdik. Onda da arxada boşluqlar olur. Rəqib də bundan istifadə edib ikinci qolu vurdu. Fərqi yoxdur, hansı komanda penaldan qol buraxırsa, istər-istəməz oyuna təsir edir.
- Nəticəni ədalətli sayırsan?
- Heç kimin haqqını itirmək olmaz. “Qarabağ” bizə qalib gəldi. Bizə də rəqibi təbrik etmək düşür.
- Mübahisəyə səbəb olan penalti epizodu haqda nə deyə bilərsən?
- Həmin epizod düz gözümün qarşısında baş verdi. Orada penaltidən söhbət gedə bilməzdi.
- Kadrlardan Erik Ramosun rəqibini tutub çəkməsi görünür.
- İkitərəfli mübarizə gedirdi. Reynaldo da Ramosu tutmuşdu. Belə vəziyyətlərdə penalti vermirlər.
- İqor Mitreskinin qırmızı vərəqə aldığı epizod haqda nə deyə bilərsən?
- Açıq görünür ki, orada qırmızı vərəqə düzgün qərar idi. Mitreski rəqib yıxmasaydı, bizim qapıçı ilə təkbətək çıxacaqdı.
- Bundan əvvəlki iki oyunu da nəzərə alsaq, demək olarmı hazırda ən çətin rəqibiniz “Qarabağ”dır?
- Bu suala cavab versəm, digər komandaların haqqını yemiş olaram. Keçən mövsümdə də “Qarabağ” bizə qalib gələ bilmədi. Bəzən belə hallar olur. Komanda yaxşı formada olsa da, hansısa rəqiblə oyunu alınmır. “Qarabağ”da belə rəqiblərdəndir. Onlara qarşı bu mövsüm istədiyimiz oyunu göstərə bilmirik. Buna baxmayaraq, yenə də güclüyük, birinci yerdəyik.
- Qarşıdan “Qarabağ”la kubok oyununuz gəlir. Yəqin revanş üçün ciddi hazırlaşırsınız.
- Revanşdan əvvəl özümüz üçün qalib gəlməyi düşünürük. Bu oyuna ikiqat motivasiya olunmalıyıq. Çempionatda vəziyyətimiz yaxşıdır. Kubok oyunlarında da “Qarabağ”a qalib gələrək yaxşı nəticə qazanmaq fikrimiz var. Gərək bu vəziyyətdən çıxmaq üçün nəhayət, “Qarabağ”a qalib gələk.
Ramiq AĞAMƏMMƏDOV
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
