"Rəvan”ın qışda heyətinə qatdığı Mindauqas Kalonas sərgilədiyi futbolla ona olan ümidləri tam doğruldur. Qol.Az-ın xəbəinə görə, o, artıq Litva millisinə də dəvət alır.
Pleymeykerin təxminən 2,5 il ayrı düşdüyü yığma komandaya qayıdışı heç də pis alınmamışdı. Üstəlik, ötən həftə sonu Mindauqas "Turan”la görüşdə “Rəvan”ın əsas hərəkətverici qüvvələrindən biri idi. 2 qol və 2 məhsuldar ötürmə ilə seçilən Kalonas bugünkü məşqdən sonra klubun rəsmi saytına danışıb.
- Hazırlıq necə keçir?
- Hər şey yaxşıdır. Özüm də fərdi məşqlərlə tam formaya düşməyə çalışıram.
- "Turan”la oyun barədə nə düşünürsən? Fasilədən sonrakı dönüş nə ilə bağlı idi?
- Görüşün çətin keçəcəyini əvvəlcədən bilirdik. Rəqib ilk yarıda var gücü ilə bizə müqavimət göstərməyə çalışırdı. Hətta ani diqqətsizliyimizdən faydalanaraq hesabda önə keçməyə də imkan tapmışdılar. Görünür, erkən qol bəzi futbolçularımızı rahatlaşdırmışdı. Amma futbolda hesabdan asılı olmayaraq rahatlaşmaq olmaz. Bunu fasilə zamanı baş məşqçimiz də oyunçulara söylədi. Onun vaxtında etdiyi xəbərdarlıq sanki komandaya əlavə impuls verdi. Belədə ikinci hissədə xarakter göstərdik. Ən əsası isə məşqçinin bizdən tələb etdiyi şəkildə oynadıq.
- İndiyə qədər karyeranda şərəfini qoruduğun komandanın 1 hissəyə 5 qol vurduğu hal olmuşdu?
- (fikirləşir) Etiraf edim ki, yox.
- Bəs özün karyeranda hansısa görüşdə 2 qol + 2 məhsuldar ötürmə ilə yadda qalmısan?
- 2 qol vurduğum, 3-4 məhsuldar ötürmə verdiyim oyunlar olub. Ancaq ikisi eyni anda ilk dəfədi baş baş verir”.
- Qış fasiləsindən sonra artıq 5 qol vurmusan. Nə düşünürsən bu haqda?
- Nə deyim... Mən əvvəldən qarşıma hədəf qoyduğumu demişəm. Hələ ki, məqsədimə doğru irəliləyirəm.
- Mövsüm ərzində neçə qol vurmağı hədəf seçmisən?
- Əslində yalnız qol vurmaq üçün oynayan futbolçu deyiləm. Komandanın xeyirini daha çox düşünürəm. Amma qarşıma ən azı 10 qol vurmağı məqsəd qoymuşam. Nə qədər çox fərqlənsəm, komandam üçün də bir o qədər yaxşı olar.
- Əslində karyerana nəzər salanda elə də məhsuldar olmadığını görmək olar. Amma çempionatımızda 6 oyuna 5 qol vurmağı bacardın. Bu nə ilə bağlıdır?
- Dəqiq bir söz söyləmək çox çətindir. Ancaq hiss edirəm ki, fiziki formam qaydasındadır. Azərbaycanda uyğunlaşma ilə bağlı problem yaşamadım. Odur ki, işlərimin lap əvvəldən yaxşı alınmasına görə yalnız sevinə bilərəm. Fərdi bacarığımı da işə qoşub komandaya daha çox xeyir vermək istəyirəm. Söhbət təkcə vurulan qollardan yox, həm də məhsuldar ötürmələrdən gedir.
- Artıq hesabında 3 məhsuldar ötürmə də var. Ardı gələcək?
- Buna çox inanıram. Mövqeyim elədir ki, istənilən taktiki düzülüşdə həlledici bənd rolunu oynaya bilərəm. Qol və ya məhsuldar ötürmə, mənim üçün fərq etməz. Təki bundan komanda xeyir görsün. Bəzən məhsuldar ötürmə qoldan daha dəyərli olur. Yəni mən anında ən düzgün qərarı qəbul etməyə çalışıram.
- Baş məşqçi sənə hansı təlimatları verir: daha çox pleymeyker kimi oyun qurmağı, yoxsa hücumçuya daha yaxın oynayıb daha çox qol vurmağı?
- (gülür) Bu məşqçilərlə mənim aramda qalsa, yaxşıdır. Qoy, gizli silahımız olsun. Məşqçilərin harda və necə oynamağımı istəməsindən asılı olmayaraq, özümü vəziyyətə uyğunlaşdırmağa çalışıram.
- Hansı futbolçularla oynamaq sənə daha rahatdır, aranızdakı anlaşma səviyyəsi daha yüksəkdir?
- Heyəti baş məşqçi müəyyənləşdirir. Ona görə də futbolçular arasında fərq qoymaq istəmirəm. Son matçımızdakı oyunçularla optimal səviyyədə anlaşma oldu. Təbii ki, fasilədən sonra.
- Qarşıda "Sumqayıt”la oyun gəlir. Daha yuxarı pillələrə yüksəlmək üçün mütləq qələbə lazımdır...
- Təbii, yalnız qələbə bizi qane edəcək. Ona görə də 3 xal qazanmaq üçün meydanda sözün əsl mənasında döyüşmək lazımdır. Heç kim bu xalları bizə hədiyyə edən deyil...
- Çempionatımızın sponsoru olan "Topaz” ötən ayın ən yaxşı futbolçusunun adına aydınlıq gətirmək üçün sorğu keçirir. Qalib olmağa əsas namizədlərdən biri də sənsən. Şansını necə dəyərləndirirsən?
- Artıq əsas namizədlərdən biri kimi göstərilməyim mənim üçün bu mərhələdə uğurdur. Axı 3-4 ay əvvəl məni yada salan yox idi... Mənə şans verdiyinə görə "Rəvan”a minnətdaram. Mükafatı qazanmaq şansıma gəlincə, qalib olsaydım, lap əla olardı. Növbəti matçlar üçün yaxşı stimul olardı. Birdə ki, mükafatı qazanmaq üçün ona layiq olamlısan. Sorğuda qalib gəlsəm, növbəti aylarda daha yaxşı oynayacağıma söz verirəm (gülür).
- Bir az da Litva yığmasından danışaq. Uzun fasilədən sonra milliyə dəvət aldın və 2 oyunda iştirak etdin. Hətta Slovakiya ilə seçmə görüşdə qol ötürməsi də verdin. Ümumiyyətlə, səni yığma komandada necə qarşıladılar?
- Çox əla. Hətta deyərdim, uşaqlar bir az darıxmışdı mənim üçün. Çünki 2 il yarım bir-birimizi görməmişdik. Belə qarşılanma mənə müsbət mənada təsir etdi.
- Səncə, Litva millisinin baş məşqçisi Çaba Laslo çıxışından razı qaldı?
- Məncə, hər iki oyunda özümü yaxşı tərəfdən göstərə bildim. Hətta slovaklarla görüşdən sonra məşqçidən ünvanıma tərif eşitdim. Düşünürəm ki, millinin qarşıdakı oyunlarına da dəvət alacam. Növbəti oyunumuz yayda Yunanıstana qarşı olacaq.
Messiyə mükafat verildi
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi
"Qaradağ Lökbatan" "Araz-Saatlı"ya aman vermədi - Video
Tonalinin cəzası iki ay uzadıldı
Liderdən qələbə, "Şamaxı" 2-ci pilləyə yüksəldi
Ranqnik "Bavariya"dan niyə imtina edib?
"Real"ın kapitanı Messi ilə komanda yoldaşı olacaq
Fransa klubu baş məşqçisini istefaya göndərir
"Real" Marselonun oğlu ilə müqaviləni uzatdı
Rusiya millisi üçün yeni rəqib
Benzema "Real"ın bazasında
"Borussiya" Hummelslə bağlı qərar verdi
"Real" ukraynalı qapıçı ilə yeni müqavilə imzalayır
Almaniya Çempionlar Liqasında daha bir yer qazandı
Ranqnik "Bavariya" ilə planlaşdırılan görüşü ləğv etdi
Klublar Komitəsinin növbəti iclası keçirildi - Şəkillər
A seriyasına yüksələn ilk komanda bilindi
Luis Enrike məğlubiyyəti şərh etdi
Avrokubokun oyunlarını göstərəcək kanalların siyahısı
UEFA bu futbolçuların oyununu səsverməyə çıxardı
Mbappe kuryoz hadisə ilə üzləşdi
"Traktor" liderdən xal aldı
"Borussiya" PSJ-ni belə məğlub etdi - Video
"Borussiya" PSJ-yə qalib gəldi
Ronaldo dubl etdi, "Əl-Nəsr" finala adladı
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq