Elvin Yunuszadə: “Əhvalımız çox pisdir”

Elvin Yunuszadə: “Əhvalımız çox pisdir”
ÖLKƏ FUTBOLU 29 Mart 2013 / 17:02 3214
-  A +

“Neftçi” klubunun müdafiəçisi Elvin Yunuszadənin Qol.Az saytına müsahibəsi

- Araz Abdullayev olayından sonra komandanızda durum nə yerdədir? Futbolçu zaminə götürülüb. Sabah “İnter”lə matçda oynayıb-oynamayacağı haqda sizdə hansısa məlumat var?

- Bu hadisə çox gözlənilməz oldu. Ancaq hamının başına gələ bilən işdir. İndi məsələ nə yerdədir, deyə bilmərəm.

- Ümumiyyətlə, hazırda futbolçular arasında psixoloji durum necədir?

- İki gündür əhvalımız çox pisdir. Amma çalışırıq, fikrimizi oyuna yönəldək. Ümid edirəm, sabah oyuna qədər gərginliyi aradan qaldıracağıq.

- Milli komandaların heyətinə  “Neftçi”nin 12 futbolçusu qatılmışdı. Bunun komandanıza nə kimi mənfi təsiri ola bilər?

- Məncə, bu, bizim oyun təcrübəmizə çox köməklik edəcək. Hər dəfə milli komandanın heyətində oyunumuzu daha da artırırıq. Mənimlə birlikdə səkkiz futbolçumuz U-21 yığmasının heyətində üç oyun keçirdik.  Yaxşı da nəticə qazandıq. İki dəfə qalib gəlib, bir dəfə heç-heçə etdik. Macarıstan komandası ilə oyunda qol da vurdum.

- Milli komandamızın oyunları ilə bağlı nə deyə bilərsən?

- Lüksemburqla oyunla bağlı onu deyə bilərəm ki, qələbə qazanmalı idik. Lüksemburq qalib gəlinəsi komandadır. Ancaq futbolda gözlənilməz nəticələr çox olur. Fikrimcə, millimizin qalib gələ biməməsi gözlənilməz oldu. Portuqaliya ilə oyunda isə, rəqib aşkar fovarit idi. Elə də gözlənilməz nəticə olmadı. Onu da deyim ki, komandamız istədiyi oyunu göstərə bilmədi.

- Sabah Topaz Premyer Liqanın 24-cü turunda “İnter”lə qarşılaşacaqsınız. Bu oyun haqda nə fikirləşirsiniz?

- Bu oyun hər iki komanda üçün çox vacibdir. Sabahkı görüş çempionluq üçün böyük addımdır. Qalib gəlsək, yerimizi bir az da möhkəmləndirəcəyik. Bilirik ki, “İnter” də bu fasilədən yaxşı istifadə edib. Bizdən fərqli olaraq dincəlməyə vaxtları olub. Buna baxmayaraq, futbolçularımız qələbədən başqa heç nə düşünmür.


Ramiq AĞAMƏMMƏDOV

Daha çox


Son xəbərlər