AFFA milliyə uçuş üçün təhlükəli təyyarə ayırıbmış

AFFA milliyə uçuş üçün təhlükəli təyyarə ayırıbmış
ÖLKƏ FUTBOLU 27 Mart 2013 / 13:57 4099
-  A +

AFFA milli komandanın Lüksemburqdan qayıdarkən futbolçuların təyyarənin döşəməsində yatması barədə Almaniya mətbuatında Berti Foqtsa istinadən yayılan xəbərlərə münasibət bildirib.

Qol.Az-ın məlumatına görə, qurumun Mətbuat və İctimaiyyətlə  Əlaqələr Departamentinin rəhbəri Mikayıl Nərimanoğlu azvision.az saytına bildirib ki, təyyarədə hər kəs öz yerində oturub. M.Nərimanoğlu bildirib ki, əvvəlcədən futbolçular üçün böyük təyyarə nəzərdə tutulub: “Son anda Novruz bayramına görə yaranan sıxlığa görə hava limani tərəfindən TU 134 təyyarəsi verilib. Amma qeyd edim ki, bu, hazırda istifadə olunan təyyarədir".

Yerdə yatmaq məsələsinə gəldikdə isə Mikayıl Nərimonoğlu bildirib ki, həmin təyyarədə olmayıb: “Görmədiyim məsələ haqqında münasibət bildirə bilmərəm. Ancaq onu deyə bilərəm ki, təyyarədə 64 yer var idi. Gedəndə 61 nəfər getmişdi, gələndə isə 63 nəfər. Hər kəsin öz yeri var idi. Hər kəs öz yerində oturmuşdu”

Qeyd edək ki, bu açıqlaması ilə AFFA rəsmisi milli komanda üçün üçün hazırda dünya ölkələrinin imtina etdiyi təyyarədən istifadə etməsi faktını təsdiqləyib.

Ötən il Rusiya TU-134-in təhlükəsizliyə tam cavab vermədiyini bildirərək bu təyyarələrdəm imtina etdiyini açıqlayıb.

Daha çox


Son xəbərlər