Portuqaliya millisinin baş məşqçisindən Azərbaycana növbəti hörmətsizlik

Portuqaliya millisinin baş məşqçisindən Azərbaycana növbəti hörmətsizlik
ÖLKƏ FUTBOLU 26 Mart 2013 / 23:40 7596
-  A +

DÇ-2014-ün seçmə mərhələsinin Azərbaycan – Portuqaliya oyunundan sonra qalmaqal düşüb.

Qol.Az-ın məlumatına görə, qonaq komandanın baş məşqçisi Paulo Bentu keçirdiyi mətbuat konfransında yerli jurnalistlərin ona verəcəyi sualın Azərbaycan dilinə tərcümə olunmasına imkan verməyib. Əvvəlcə Portuqaliya Futbol Federasiyasının mətbuat xidmətinin rəhbəri buna görə üzrxahlıq edib. Lakin azərbaycanlı jurnalistlər buna etirazlarını bildiriblər. Onlar qeyd ediblər ki, hələ oyundan bir gün əvvəl keçirilən mətbuat konfransında da Portuqaliya tərəfi jurnalistlərə eyni hörmətsizliyi edib. Təkidlərinin bir nəticə vermədiyini görən yerli jurnalistlər mətbuat konfransının keçirildiyi zalı tərk ediblər.

Portuqaliya Futbol Federasiyasının nümayəndəsi Azərbaycan tərəfinə bu hörmətsizliyin səbəbini onunla izah edib ki, Portuqaliya televiziyası mətbuat konfransından canlı yayım verdiyi üçün onlar fikirlərinin Azərbaycan dilinə tərcümə olunmasına razı deyillər.
 

Daha çox


Son xəbərlər