“Oynamaq üçün “Styaua”, pul qazanmaq üçün “Bakı” yaxşıdır”

“Oynamaq üçün “Styaua”, pul qazanmaq üçün “Bakı” yaxşıdır”
ÖLKƏ FUTBOLU 19 Mart 2013 / 14:39 4020
-  A +

“Artıq Azərbaycan futboluna uyğunlaşmışam. Futbolçular, məşqçilər hamısı mənə bu işdə kömək etdilər”.

Qol.Az-ın məlumatına görə, bu sözləri “Bakı”nın yeni transferi Marius Pena Ruminiyanın “Prosport” saytına müsahibəsində deyib.

Topaz Premyer Liqanın altı oyununda beş qola imza atan Pena Azərbaycanla Rumıniya futbolu arasında çox fərq olduğunu qeyd edib. O, Rumıniya çempionatının Azərbaycan Premyer Liqasından daha güclü keçdiyini söyləyib. Pena Azərbaycanda futbola yaxşı maliyyə vəsaiti ayrıldığını bilıdirib: “Klublar özləri üçün bazalar tikir. Infrastruktur yaradırlar. Onlar tərifə layiqdirlər”.

Pena Buxarestin “Styaua” klubundan təklif alması barədə xəbərlərə toxunaraq ona rəsmi təklif göndərilmədiyini bildirib.

“Əgər qarşısınızda “Styaua” ilə Azərbaycan arasında seçim imkanı qoyulsa, nə edərsiniz” sualına Pena belə cavab verib: “Oynamaq üçün “Styaua”, pul qazanmaq üçün “Bakı” yaxşı variantdır. Amma belə bir şey olsa, necə hərəkət edəcəyimi bilmirəm”.

Daha çox


Son xəbərlər