03.02.26
“Simurq” klubunun icraçı direktoru Vaqif Əliyevin Qol.Az saytına müsahibəsi
- Komandanızın 2012-ci ildəki çıxışına ümumən necə qiymət verərdiniz?
- Nəticələriiz göz qabağındadır. Komandamızın çıxışından tam razıyıq. Turnir cədvəlində ikinci yerdəyik, göstərdiyimiz oyun da bizi qane edir. Fikrimcə, biz yaxşı və əzmkar bir komanda yarada bilmişik. Legioner futbolçuların səviyyəsi, göstərdiyi oyun çox uğurlu alındı. Bilirsiniz ki, paytaxt klublarından fərqli olaraq, bölgə komandalarına səviyyəli legionerlər gətirmək çətindir. Lakin bizə bu yöndə lazımi şərait yaradıldı.
- Yəqin, “Simurq”un qış fasiləsinə turnir cədvəlinin ikinci pilləsində getməsi sizin üçün də gözlənilməz oldu.
- Əlbəttə. Biz ilk öncə normal və döyüşkən komanda yaratmağı planlaşdırmışdıq. Lakin çempionatın gedişatında gördük ki, komandamızın oyunu çox yaxşı alınır. Bundan sonra da planlarımız böyüməyə başladı.
- Amma “İnter”lə aranızdakı qardaşlıq münasibəti barəsində söz-söhbət səngimək bilmir. Son olaraq “Neftçi”nin baş məşqçisi Böyükağa Hacıyev “İnter” və “Simurq”un bir-birinə xal verdiyini iddia edib.
- Bu təxribatlara fikir vermirik. Nə qədər bizim uğurlara kölgə salırlarsa, nə qədər tənqid edirlərsə, bir o qədər də güclənirik.
- Bu mövsüm “Simurq”un hədəfi çempionluqdur, yoxsa?
- Necə olacağını gələcək göstərəcək. İşlərimiz yaxşı getdiyi üçün məqsədlərimiz də böyüdü. Ən pis halda Avrokuboklara vəsiqə qazanmağı düşünürük. Hər bir əsgərin arzusudur ki, general olsun. Nə vaxta qədər paytaxt komandaları çempion olacaq? Qoy, bir dəfə də bölgə klubları çempionluq yaşasın.
- “Turan”ın forvardı Salif Ballonu komandanıza transfer etməkdə qərarlısınız?
- Bəli, gündəmimizdə bu futbolçu var. Elə “Turan” rəhbərliyiylə də bu barədə söhbətimiz olub. Onlar bildirib ki, gedən futbolçunu biz saxlamarıq. Əgər danışıqlarımız müsbət olsa, bu futbolçunu sıralarımızda görə biləcəksiniz.
- Komandanızda nə kimi dəyişiklər gözlənilir?
- Gedənlərin siyahısı hələ bilinmir. Bu məsələ hələ gündəmdə deyil. Hazırda hamı istirahətdədir. Komanda bir yerə toplanandan sonra bu məsələyə qayıdılacaq.
- Bəs təlim-məşq toplantınızı harada keçirəcəksiniz?
- Yanvarın 10-dan fevralın 2-nə qədər Antalyada hazırlıqda olacağıq.
Əli HƏYATİ
Şamaxıda vurulan 6 qol - Video
"Qarabağ"ın prezidenti "Neftçi"yə təşəkkür etdi
"C Liqasına qayıdacağımıza inanıram” - Ayxan Abbasov
Benzemaya görə matçlara çıxa bilməyəcəklər
UEFA Millətlər Liqasının püşkü atıldı
"Atalanta"nın futbolçusu sıradan çıxdı
Millimizin rəqibləri bəlli oldu - Millətlər Liqası
"Qarabağ" – "Nyukasl" matçına nə qədər bilet satılıb?
"Neftçi" - "Qarabağ" oyunu təxirə salındı
“Zirə” millinin üzvünü heyətinə qatdı - Rəsmi
Məşhur məşqçi oyun zamanı huşunu itirdi
UEFA-dan avrokuboklara qatıla bilməyən klublara böyük dəstək
Balotelli yeni klubunda irqçi təhqirlərə məruz qaldı
1-ci liqada 14-cü turun ilk matçları baş tutdu
"Fənərbaxça"nın rəqibi 3-cü dəfə baş məşqçisini qovdu
Messiyə görə matç təxirə salındı
"Real"da ciddi itkilər var
Ayın ən yaxşı qolunun müəllifi mükafatlandırıldı
"Sumqayıt" hücumçu transfer etdi
Millimiz Rusiya, Özbəkistan və Belarusla eyni turnirdə
Levandovski qərarını verdi
"Liverpul" üçün şok: O da zədələndi
Postekoqlu od püskürdü
