03.02.26
“Qəbələ”nin kapitanı Rəşad Abdullayevin Qol.Az saytına müsahibəsi
- Premyer Liqanın 18-ci turunda Tovuzdan üç xalla döndünüz. Razısanmı ki, “Turan” bu dəfə də “sizə çətin anlar yaşatdı?
- Oyun asan keçmədi. Meydançanın bərbad olması isə işimizi daha da çətinləşdirdi.
- Birinci dövrədə “Turan”a uduzmuşdunuz. Bu mənada, komandanızda hansısa gərginlik var idi?
- İlk dəqiqələrdə bir az ehtiyat edirdik. Lakin üstünlük sonradan bizim tərəfimizə keçdi. Xeyli real qol imkanı yaratdıq. Sadəcə, dediyim kimi, belə meydançada yaxşı oyun nümayiş etdirmək olmur. Demək olar ki, Qəbələdəki ilk görüşün eyni ssenarisi davam edirdi. Hücumların ardı-arası yox idi. Lakin top qapıdan keçmək istəmirdi. Ona görə də əsəblərimiz tarıma çəkilirdi. Birdə ki, nə olursa-olsun, qarşımıza qoyulan vəzifə səfərdən üç xalla qayıtmaq idi. Bunu da bacardıq.
- Meydançadan şikayət etdin. Bəlkə oranın durumundan bir az ətraflı bəhs edəsən.
- Ötürmə edərkən top yerindən heç iki metr tərpənmirdi. Ona görə də məcbur qalıb bütün ötürmələrimizi daha çox havayla edirdik. Biri var meydança su ola, biri də var, tamamilə palçıq. Palçıqın içində necə futbol oynamaq olar? Bundan başqa hər tərəfi qar basmışdı. Hətta soyunub-geyinmə otağı su içində idi. Meydança qardan təmizlənməmişdi. Sadəcə, bu qarşılaşmada daha çox istəkli olduğumuz qələbə qazandıq.
- Qış fasiləsinə dördüncü yeri tutaraq getdiniz. Artıq ilk “altılıq”da qalmağa yaxınlaşırsınız.
- Dördüncü yer pis nəticə deyil. İnanıram ki, mövqeyimizi qoruyub saxlayacağıq. Bundan sonra məqsədimiz çempionluq və ya avrokuboklarda oynamaq olacaq.
- Rusiya Premyer Liqasında oynayan “Krılya Sovetov” və “Rostov” klublarından təklif almağın barədə xəbərlər dolaşıb.
- Bəli, bu klublar menecerimə təklif göndərmişdilər. Bildirmişdilər ki, mənim xidmətimdə maraqlıdırlar. Hətta bəzi oyunların disklərini də istəmişdilər. Düzü, hazırda “Qəbələ”yə elə bağlanmışam ki, yalnız onun uğurları haqda düşünürəm. Çalışıram ki, əlimdən gələni edim ki, ən azı yüksək yerlər uğrunda mübarizə aparsın. Lakin bu çox sevindirici haldır ki, Rusiya əsas liqasında çıxış edən iki tanınmış klub mənim xidmətimdə maraqlıdır. Gələcəkdə klub rəhbərliyi ilə bu barədə söhbət edəcəyəm. Əgər rəhbərlik icazə versə, legioner həyatı yaşamaq istərdim.
Əli HƏYATİ
Şamaxıda vurulan 6 qol - Video
"Qarabağ"ın prezidenti "Neftçi"yə təşəkkür etdi
"C Liqasına qayıdacağımıza inanıram” - Ayxan Abbasov
Benzemaya görə matçlara çıxa bilməyəcəklər
UEFA Millətlər Liqasının püşkü atıldı
"Atalanta"nın futbolçusu sıradan çıxdı
Millimizin rəqibləri bəlli oldu - Millətlər Liqası
"Qarabağ" – "Nyukasl" matçına nə qədər bilet satılıb?
"Neftçi" - "Qarabağ" oyunu təxirə salındı
“Zirə” millinin üzvünü heyətinə qatdı - Rəsmi
Məşhur məşqçi oyun zamanı huşunu itirdi
UEFA-dan avrokuboklara qatıla bilməyən klublara böyük dəstək
Balotelli yeni klubunda irqçi təhqirlərə məruz qaldı
1-ci liqada 14-cü turun ilk matçları baş tutdu
"Fənərbaxça"nın rəqibi 3-cü dəfə baş məşqçisini qovdu
Messiyə görə matç təxirə salındı
"Real"da ciddi itkilər var
Ayın ən yaxşı qolunun müəllifi mükafatlandırıldı
"Sumqayıt" hücumçu transfer etdi
Millimiz Rusiya, Özbəkistan və Belarusla eyni turnirdə
Levandovski qərarını verdi
"Liverpul" üçün şok: O da zədələndi
Postekoqlu od püskürdü
