07.04.26
“Neftçi” klubunun kapitanı Rəşad Sadiqovun Qol.Az saytına müsahibəsi
- Premyer Liqanın 17-ci turunda “Xəzər Lənkəran”la növbəti böyük oyununuz baş tutdu. Lakin bu dəfə də beşillik uğursuz sindromu qıra bilmədiniz.
- Mən buna sindrom deməzdim. Sadəcə, “Xəzər Lənkəran” güclü komandadır. Bizimlə oyunda bütün komandalar ikiqat güclə mübarizə aparır. Onlar da bu matça daha fərqli yanaşırlar. Lənkəranda meydaçanın yararsız vəziyyətdə olması, oyunun sürətini və gözəlliyini çox aşağı saldı. Lakin buna baxmayaraq, ikinci hissədə xeyli qol epizodumuz oldu. Amma bunlardan yararlana bilmədik. Rəqibin son dəqiqələrdəki hücumu zamanı isə müdafiədəki səhvimiz ucbatından məğlub olduq.
- Səncə, bu görüşdə nəticə oyuna görə oldu?
- Mən belə deməzdim. Biz daha üstün oyun nümayiş etdirdik. Düşünürəm ki, qismətimizdə qələbə qazanmaq yox idi.
- Baş məşqçiniz Böyükağa Hacıyev sənin son iki turda mükəmməl oynadığını bildirib. Amma hələ də əvvəlki formandan uzaqsan.
- Hər kəs məhz belə deyir. Mən “Neftçi”yə gələn zaman bu klubda dəyişikliklər olmuşdu. Hardasa komandaya 7-8 futbolçu gətirildi. Hər kəs bilir ki, belə vəziyyətdə futbolçulara uyğunlaşma üçün zaman verilməlidir. “Qarabağ”da tam başqa cür olmuşdu. Çünki mən oradakı futbolçularla üç ildən çox bir yerdə çıxış etdik. Başımı qaldıranda onların harada olduğunu əzbər bilirdim. Lakin “Neftçi”də fərqli futbolçular, fərqli taktika olduğundan bir az zamana ehtiyacım vardı. Son vaxtlara qədər bir- birimizi tam anlaya bilmirdik. Son turlarda isə artıq hər şey qaydasına düşür. İndi tamam başqa futbol oynayırıq.
- “Neftçi” rəhbərliyi və baş məşqçinizin dediyinə görə, bir çox komanda yoldaşınla Avropa klublarından təkliflər gəlib. Bəs sənə necə?
- Dəqiq deyilmir kimlərə və hansı klublardan təkliflər gəlib. Ancaq bizə söyləyiblər ki, müəyyən klublardan təkliflər var. Lakin bu, dəqiq olaraq dekabırın 25-dən sonra açıqlanacaq.
- Yaxşı bir təklif olsa, qəbul edəcəksən?
- Əlbəttə, yaxşı klubdan dəvət olsa, rəhbərlik də halallığını versə, gedərəm.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
