07.04.26
AFFA Hakimlər Komitəsinin sədri Xaqani Məmmədov Premyer Liqanın 17-ci turunda baş tutan «Xəzər Lənkəran» - «Nefçti» oyunun hakimliyinə iradlarla bağlı Qol.Az saytının suallarını cavablandırıb
- Əvvəlcə ondan başlayaq ki, FİFA referisi Fariz Yusifovun «Böyük oyun»a təyinat alması narazılıq yaratmışdı.
- Nə üçün?
- Bundan bir tur öncə «İnter» - AZAL görüşündə onun qayda pozulduğu halda qonaq komandanın qapısına penalti təyin etmədiyinə görə.
- Belə fikirləşənlər çox yanılırlar. Bəli, həmin epizodda penalti var idi. Amma orada ən böyük səhv referinin yox, referi köməkçisinin idi. Çünki o, epizoda daha yaxın idi və o, baş hakimə kömək etməliydi. Fariz bizim ən təcrübəli hakimlərimizdən biridir.
- Qayıdaq dünənki oyuna.
- Kim nə irad bildirir, bildirsin. «Xəzər Lənkəran» klubu hakimin idarəçiliyinə qiymət verməkdənsə, meydançanın durumunu normal hala salmalıydı.
- Hakimlikdən klub rəhbərliyindən daha çox «Xəzər Lənkəran»ın baş məşqçisi Karles Bakes narazılıq edib.
- Bakesin gəldiyi bir ay deyil, indi hakimlərimizi ittiham edir. Yaxşı olardı ki, komandasını çətin vəziyyətdən çıxarsın. Təəssüf ki, Bakes də bizim bəzi futbol adamlarının sıralarına qoşulmağa başlayıb.
- Klub iddia edir ki, «Xəzər Lənkəran»ın qapısına penalti təyin edilməməli idi. Siz həmin epizoda yenidən baxmısınızmı?
- Buna baxmağa ehtiyac yoxdur. Baş hakim tamamilə düzgün qərar verdi. «Xəzər Lənkəran» günahı hakimdə deyil, öz qapıçısında axtarsın. Çünki cərimə meydançasında real təhlükə olmadığı halda Orxan Sadıqlı qaydanı pozmuşdu.
- Ümumən Fariz Yusifovun idarəçiliyinə necə qiymət verirsiniz?
- O, oyunu yüksək səviyyədə idarə etdi.
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
