02.11.24
“Neftçi”nin müdafiəçisi Mahir Şükürov Premyer Liqanın 17-ci turunda “Xəzər Lənkəran”a 1:2 hesabı ilə uduzduqları oyunla bağlı Qol.Az saytının suallarını cavablandırıb
- Oyunla bağlı ümumi fikirlərin necədir?
- Bu görüşə çox yaxşı hazırlaşmışdıq. Amma hava şəraiti futbol üçün uyğun olmadı. Oyun boyu rəqib qapısı önündə xeyli real qol epizodları yaratdıq. Lakin bunlardan cəmi birini reallaşdıra bildik. Komandamız sona qədər mübarizə aparmasına baxmayaraq uduzdu.
- İlk hissədə oyununuz istədiyiniz kimi alınmırdı.
- Mən deməzdim ki, rəqib birinci hissənin sonuna qədər üstün oldular. Sadəcə, ilk 15 dəqiqəsi onların üstünlüyülə keçdi və qol vurdular. Qalan vaxt ərzində meydana daha çox biz nəzarət edirdik. Həmin imkanlardan istifadə etsəydik, böyükhesabla qələbə də qazana bilərdik.
- Fasilədə baş məşqçiniz sizə nə dedi? Çünki ikinci hissədə daha inamlı təsir bağışlayırdınız.
- Böyükağa Hacıyev bizi inandırdı ki, siz daha güclüsünüz. Lazımi tapşırıqları verdi. Bu da öz təsirini göstərdi. İkinci yarıda cavab qolunu vurduq. Nə qədər də qol vəziyyətindən yararlana bilmədik. Həm də rəqib komanda ikinci yarıda daha çox müdafiəyə oturdu. Onlar heç-heçəyə razı idi. “Neftçi” isə Lənkərana qələbə üçün gəlmişdi. Amma belə hava şəraitində, bu cür bərbad meydançada səviyyəli oyun nümayiş etdirmək mümkün deyil. Topa zərbə vurursan alınmır, ötürmə edirsən iki metrdən uzağa getmir.
- Bəs son dəqiqələrdə buraxdığınız ikinci qol kimin səhvindən oldu: sənin yoxsa, Saşa Stamenkoviçin?
- Mən topun gəlişini və onun düşəcəyi yeri nəzarətdə saxlayırdım. Sadəcə, həmin anda Saşa qışqırdı ki, top mənimdir. Mən də bir az geri durub onun topu tutması üçün şərait yaratdım. Birdə baxdım ki, Adrian Pit topu artıq götürdü. Həmin epizodda qapıçımız gecikməklə yanaşı, topa çıxmaq istiqamətini də düzgün seçməmişdi. Bir sözlə, aramızda anlaşılmazlıq baş verdi.
- “Xəzər Lənkəran”ın baş məşqçisi Karles Bakes mətbuat konfransında bildirib ki, baş hakim Fariz Yusifovun qərarlarının çoxu “Neftçi”nin xeyrinə idi.
- Bakes gedib “Xəzər Lənkəran”ın oyununu düzəltsin, sonra gəlib hakimləri mühakimə etsin. İki gündür Azərbaycana gəlib, artıq hakimləri günahlandırır. Məncə, Fariz Yusifovun idarəçiliyi normal idi.
Əli HƏYATİ
_22.01.19.jpg)
30 yaşdan sonra 450 qol
Nistelroy Premyer Liqaya qayıdır?
Kimpembe 638 gündən sonra geri dönür
Ronaldodan dubl, "Əl-Nəsr"dən qələbə
"Vəzifəmizin öhdəsindən gəldik" - Anton Krivotsyuk
"Qalatasaray"ın futbolçusu 1 ay oynamayacaq
Əvəzedicilər liqasında 14-cü tura yekun vuruldu
Əməliyyat olunan kapitan məşqlərə başladı
AFFA rəsmisi mübahisəli epizodları şərh etdi
Kurban Berdıyev "Turan Tovuz-2"in oyununu izlədi - Şəkillər
“Sabah”a yeni baş məşqçi təyin olundu - Rəsmi+Şəkillər
2-ci liqada 7 oyunun hakimləri bilindi
"Qarabağ" - "Lion" oyununa satılan biletlərin sayı açıqlandı
Amorim: "Mançester Yunayted" uzun müddət əziyyət çəkəcək"
"Real"da şok itki
Tanınmış komanda azarkeşlərinin hücumuna məruz qaldı - Video
"Klubdan yeni təklif almamışam, çox məyusam"
"Sabah"ın yeni baş məşqçisi bu əcnəbi olacaq?
Millimizin Rusiya ilə oyunlar üçün heyəti
"Sabah" baş məşqçisini istefaya göndərdi
