07.04.26
AZAL-ın baş məşqçisi Vaqif Sadıqov bu gün “İnter”lə keçirəcəkləri oyun ərəfəsində Qol.Az saytının suallarını cavablandırıb
- Oyuna hazırsınız?
- Futbolçuları bu görüşə yaxşı kökləməyə ehtiyac yoxdur. Çünki hər biri bu qarşılaşmanın mahiyyətini çox yaxşı anlayır. Hər birimiz yalnız qələbə haqda düşünürük. Çünki bu görüşün nəticəsindən çox şey asılı olacaq. Biz hər şeyi dəyişə bilərik.
- Rəqibinizi istədiyiniz kimi öyrənə bilmisinizmi?
- Bəli. Fikrimcə, biz onları, onlar da bizi yaxşı analiz edib.
- “İnter” daha çox müdafiədən oynayan, AZAL isə hücumda oynayan. Rəqibin müdafiəsi sizə üçün çətinlik yaratmayacaq,
- Onsuz da bu gün asan oyun yoxdur. Eyni zamanda “İnter”lə görüş də bizim üçün çətin keçəcək. Çünki oturuşmuş heyətə malikdir. Xeyli vaxtdır ki, eyni məşqçinin rəhbərliyi altında oynayır. Çoxları deyir ki, “İnter” daha çox müdafiəyə üstünlük verir. Lakin mən belə hesab etmirəm. Çünki onlar sırf nəticə uyğun oyun nümayiş etdirirlər. Hər bir futbolçusu üzərinə düşən tapşırığı yerinə yetirir. Hesab edirəm ki, belə bir komandayla oynamaq çox maraqlıdır. Bizə gəldikdə isə məkan və rəqibdən asılı olmayaraq, bayaq qeyd etdiyim kimi, qələbə üçün oynayacağıq. AZAL bəxtini hücumda axtarır.
- Nədənsə son zamanlar komandanızın təcrübəli qapıçısı Cahangir Həsanzadəni əsas heyətdə görə bilmirik. Buna səbəb nədir. O, zədəlidir, yoxsa?
- Mənim hər üç qapıçım sağlamdır. Heç birinin zədəsi yoxdur. Göz dəyməsin (gülür). İstənilən an meydana buraxıla bilər. Yəni bunun üçün onlar hazırdır. Sadəcə, hazırda qapıçılar arasında güclü rəqabət gedir. Kimin meydana çıxmasında son qərarı mən verəcəyəm.
- Bəs, “İnter”lə görüşdən üç xal götürmək şanslarınız nə dərəcədədir?
- Şansımız çoxdur. Çünki qələbəni daha çox istəyirik.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
