07.04.26
“Simurq” klubunun müdafiəçisi Rasim Ramaldanov “Xəzər Lənkəran”la oyun öncəsi Qol.Az saytının suallarını cavablandırıb
- Premyer Liqanın 16-cı turunda çempionluğa iddialı “Xəzər Lənkəran”ı qəbul edəcəksiniz. Görüş barədə fikirlərin necədir?
- Bu qarşılaşmaya çox ciddi hazırlaşırıq. Keçən turdakı qalibiyyətdən sonra əhval-ruhiyyəmiz yaxşıdır. Məqsədimiz bu görüşdə də yalnız qələbə qazanmaqdır. Bunu bacara bilsək, turnir cədvəlindəki mövqeyimizi daha da yaxşılaşdıracağıq.
- “Xəzər Lənkəran”I istədiyiniz kimi təhlil edə bilmisiniz?
- Bu komandanın oyun üslubu fərqlidir. Rəqibimizin “Bakı” ilə Lənkərandakı son matçına da baxmışıq. Pis təsir bağışlamadılar. Onlarla oyunda komanda şəklində daha diqqətli olmalıyıq. Lakin istənilən güclü rəqibin zəif mövqeləri də olur. Biz də bunun üzərində çalışmışıq.
- Bir müdafiəçi kimi “Xəzər Lənkəran”ın hansı futbolçusundan ehtiyat edirsən?
- Ümumiyyətlə, bu komandada səviyyəli yerli və legioner futbolçular çıxış edir. Subaşiç və Adrian Pit kimi futbolçuları daha yaxşı nəzarətdə saxlamaq lazımdır.
- Səncə, bu görüşdən üç xalla ayrılmaq şanslarınız nə dərəcədədir?
- Mən deyərdim ki, şanslar bərabərdi. Çünki rəqibimiz də son oyunlarda qalib gəlmək istəyəcək ki, ilk “altılığ”a vəsiqə qazana bilsin. Lakin biz istənilən halda bu görüşdə qələbə qazanmağa çalışmalıyıq.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
