02.11.24
Dünən Avropa Liqasının II təsnifat mərhələsinin ilk oyunu çərçivəsində Lənkəranda Polşanın “Lex” klubunu qəbul edən “Xəzər Lənkəran”ın bolqarıstanlı müdafiəçisi Radomir Todorov Qol.Az-a müsahibə verib.
- Əvvəlcə oyunla bağlı fikirlərini öyrənək...
- Oyuna yaxşı başladıq, artıq 4-cü dəqiqədə hesabı açdıq ki, bu da çox yaxşı başlanğıc idi. Hər şeyin yaxşı getdiyi bir vəziyyətdə məntiqsiz qol buraxdıq. İkinci hissədə çalışıdıq ki, ikinci, üçüncü qolları vuraq, amma alınmadı.
- Rəqibi necə dəyərləndirərdin?
- “Lex” güclü komandadır, amma 4 il əvvəllki “Lex”lə müqayisə edə bilmərəm.
- Yəni, 4 il bundan əvvəllki komanda daha güclü idi?
- Əlbəttə. Onda komandada Levandovski kimi futbolçu oynayırdı, heyət daha güclü idi. İndiki komandanı isə keçmək olar. Sadəcə, toparlanmaq lazımdır.
- Ümumiyyətlə, çox sadə vəziyyətlərdən qollar buraxırsınız. “Nomme Kalyu” ilə oyunda da bu cür olmuşdu. Bunun səbəbi nədir?
- Bəli, razıyam. Rəqibin bir qol epizodu oldu, onda da qol vurdu. Heç buna qol epiozdu da deməzdim. Qapıya zərbə oldu, qolla nəticələndi. Düşünürəm ki, bunun üzərində işləməliyik ki, bu cür asan qollar buraxmayaq.
- “Nomme Kalyu” ilə Lənkərandakı matçdan fərqli olaraq, bu dəfə start heyətində meydançaya çıxmışdın...
- Düzdür, “Nomme Kalyu” ilə Lənkərandakı görüşdə əsas heyətində oynamadım, amma Estoniyada start onbirlikdə idim. Nə deyə bilərəm, baş məşqçi seçimi bu cür edir, mən də əlimdən gələni edirəm ki, komandama faydam toxunsun.
- Skarlataki açıqlamasında bildirib ki, artıq şanslar 60/40-a “Lex”in xeyrinədir, çünki onlar səfərdə qol vurub. Sən necə düşünürsən?
- Prinsipcə, düzdür. Səfərdə vurulan qol böyük üstünlük sayılır. Ancaq mən düşünürəm ki, əgər “Lex” burda bizə qol vura bilirsə, biz də Polşada onlara vura bilərik. Yenə deyirəm, “Lex” 4 il bundan əvvəlki komanda deyil və onları rahat keçmək olar.
- Yeri gəlmişkən, baş məşqçiniz Yunis Hüseynov da “Lex”i keçəcəyinizə əmindir...
- Mən də bu cür düşünürəm. Düzü, bilmirəm Skarlataki niyə bu qədər həvəsdən düşüb (gülür). Bu oyun arxada qaldı, artıq yeni gün başlayır və cavab oyununda da yeni bir futbol oynanılacaq. Hər şey 50/50-dən başlanacaq.
Anar XANLAROV
_22.01.19.jpg)
Arda Güler üzr istədi
"Bavariya"da itki
Maradonaya şərik çıxdı
"Barselona"nın futbolçusu əməliyyat olundu
İsveç - Azərbaycan oyunu üçün - Heyətlər
"Jirona"da yeni müqavilə
"Neftçi"nin futbolçusu millidə dubl etdi
Buffon: "Neymar 5 "Qızıl Top"u qazanmağa layiqdir"
"Real" Aleksander-Arnoldu almayacaq
Patrik Vieyra bu klubu çalışdıracaq
Xabi Alonso qərarı nə vaxt verəcək?
