02.11.24
“Bakı”nın vitse-prezdenti Zeynal Məmmədov klubdakı baş məşqçi dəyişikliyi və komandanın Avroliqadakı çıxışı ilə ağlı Qol.Az saytının suallarını cavablandırıb
- Baş məşqçi postunda Novruz Əzimovu Bojidar Bandoviç əvəzləməsinə Avroliqadakı uğursuzluq səbəb oldu?
- Səbəb deyəndə ki, dəyişiklik etmək qərarına gəldik. Novruz Əzimov öz istəyilə istefaya getdi. O, bundan sonra klubumuzda idman direktoru vəzifəsində çalışacaq.
- Avroliqadakı uğursuzluq dəyəsən, sizdə möhkəm ruh düşkünlüyü yaradıb.
- Ruh düşkünlüyü nədir? Bıçaq vursalar, qanım çıxmaz. Yəni, hazırda belə bir vəziyyətdəyəm. Futbolçularımızın sifətinə belə baxmaq istəmirəm. Onlar ilk mərhələni baş məşqçi olmadan da keçməliydilər. Deyə bilmərəm ki, bizim günahımız yoxdur. Mən heç vaxt özümü qırağa çəkməmişəm. Ola bilər, özümü qınayacağam ki, niyə hücumçu gətirmədik. Lakin bir şey bilirəm ki, islahatlar olacaq. Özü də necə lazımdır. “Mura” kimi büdcəsi iki yüz min avro olan bir klubu uda bilməyən futbolçular haqda ayrı nə demək olar? Mən futbolçuların özlərinə də demişəm. Onlar artıq harınlayıblar.
- Konkret kimlərin komandadan uzaqlaşdırılacağınız gözlənilir?
- Biz baş məşqçi səlahiyyətlərini Bojidar Bandoviçə vermişik. Onun da verdiyi qərarlara əsasən kimlərin gedib, kimlərin qalacağını müəyyənləşdirəcəyik. Novruz Əzimovun yerli futbolçuları tapmasında əməyi böyükdür. Artıq bazamızda yerli istedadlı futbolçular yetişməkdədir.
- Avrokuboklarda çıxış edən klublarımıza nə arzulayardınız?
- Hər zaman klublarımızın uğurlu çıxışlarına sevinmişəm. “Neftçi”nin uğuru bizi çox sevindirdi. “Xəzər Lənkəran” və “İnter”ə uğurlar arzulayıram. Həqiqətən də ürəyimiz onlarla birgə döyünəcək. İyulun 24-də “Neftçi”nin cavab qarşılaşması olacaq. İnanıram ki, “Neftçi” bu mərhələni adlayacaq.
Əli HƏYATİ
_22.01.19.jpg)
Arda Güler üzr istədi
"Bavariya"da itki
Maradonaya şərik çıxdı
"Barselona"nın futbolçusu əməliyyat olundu
İsveç - Azərbaycan oyunu üçün - Heyətlər
"Jirona"da yeni müqavilə
"Neftçi"nin futbolçusu millidə dubl etdi
Buffon: "Neymar 5 "Qızıl Top"u qazanmağa layiqdir"
"Real" Aleksander-Arnoldu almayacaq
Patrik Vieyra bu klubu çalışdıracaq
Xabi Alonso qərarı nə vaxt verəcək?
"Arteta rəqiblə oynamağı sevir"
"Futbolçular milli komandaya çox laqeyd yanaşırlar"
“Forbes” “Qarabağ”ın keçirdiyi tədbirdən yazdı
Azərbaycan millisi qələbəni son anda əldən verdi
