11.09.25
“Xəzər Lənkəran” klubunun baş məşqçisi Yunis Hüseynov Polşanın “Lex” klubuna qarşı sabah keçiriləcək Avropa Liqasının ikinci təsnifat mərhələsinin ilk oyunuyla bağlı Qol.Az saytına müsahibə verib.
- Komandanız sabahkı qarşılaşmaya tam hazırdır?
- Bəli. Bütün komanda tam məsuliyyətlə oyuna hazırlaşır. Allahın köməkliyi ilə qələbə qazanmaq istəyirik.
- Heyətdə zədəli futbolçu varmı?
- Hələ belə bir problemimiz yoxdur. Hər şey öz qaydasındadır.
- “Lex” komandası haqda nə deyə bilərsiniz?
- Düzdü, “ Lex” səviyyəli komandadır və Avroliqa təcrübəsi də bizdən üstündür. Lakin biz rəqibin kimliyindən asılı olmayaraq, öz oyunumuzu oynayacağıq. Bu oyuna futbolçularımız psixoloji cəhətdən hazırdır.
- Polşalı futbolçular mətbuata açıqlamalarında bildiriblər ki, əsas məqsədləri Lənkəranda qol vurmaqdır. Sizin bunları nəzərə alaraq daha çox müdafiəyə diqqət yetirəcəyinizi demək olar?
- Əksinə, biz çalışacağıq ki, qapılarına top vuraq. Bu dəfəki çıxışımız “Nomme Kalyu” komandasına qarşı göstərdiyimiz oyundan fərqli olacaq. Tam fərqli bir taktika qurulacaq. Sabah siz də bunu görəcəksiniz.
- Polşa klubunun hansı üstünlüyü sizi narahat edir?
- Çəkinəsi bir şey yoxdur. Mən hər zaman demişəm ki, heç bir komandadan çəkinmək lazım deyil. Sadəcə olaraq, çıxıb öz futbolumuzu oynamalıyıq. Meydanda sonadək mübarizə aparmaq lazımdır.
- Evdə hansı nəticə sizi qane edə bilər?
- Əlbəttə, bizi yalnız qələbə qane edəcək. Lakin futbolda istənilən nəticə olur. Əlimizdən gələni edəcəyik ki, sərfəli nəticə qazanaq. Ən azı qol buraxmasaq, çox yaxşı olar.
- “Lex”in baş məşqçisi bildirib ki, “Xəzər Lənkəran”ın keçirdiyi 8 oyunun videoyazısını əldə ediblər və buna əsasən rəqibi yaxşı analiz ediblər...
- Mən buna görə narahat deyiləm. Hər bir məşqçi rəqib komandanı yaxşı analiz etməyə çalışır. Eyni şeyi biz də etmişik. “Lex”in həm güclü, həm də zəif tərəflərini yaxşı bilirəm.
- Çempionlar Liqasında ölkəmizi təmsil edən “Neftçi” dünən “Zestafoni”ni böyük hesabla məğlub etdi. Bu haqda nə deyərdiniz?
- Əvvəlcə, gözəl oyun və əla nəticə münasibətilə “Neftçi”ni təbrik edirəm. Açığı, mən “Neftçi”nin qələbəsinə inanırdım.
- Artıq “Neftçi”nin mərhələ adladığını söyləmək olarmı?
- Bəli. Bir şərtlə ki, gərək “Neftçi” arxayınlaşmasın.
Əli HƏYATİ
"Liverpul" Salahın yerinə onu nəzərdən keçirir
UEFA Superkubokunun matçı bu stadionda keçiriləcək
"Mingəçevir" daha iki transferini gerçəkləşdirdi
"Atletik" onu qeydiyyatdan keçirə biləcək
"Qarabağ"dan ayrıldı, "Sabah"a qayıtdı - Rəsmi
1-ci liqada yeni mövsümün ilk oyunları keçirildi
"Səbail" növbəti transferini açıqladı
"Sumqayıt" onunla yollarını ayırdı
"Turan Tovuz"dan yeni transfer - Rəsmi
Millimiz Belçikaya qalib gəldi
Kenan Yıldız A seriyasının ən yaxşısı seçildi
Luis Enrike əməliyyat olundu
Marko Roys klub prezidenti oldu
“Ayın qolu” layihəsində mövsümün ilk qalibi oldu - Video
"Qarabağ"ın U-19 komandası üçün legioner transfer edilib
"Çelsi"nin futbolçusu 3 aylıq sıradan çıxdı
"Sabah" vinger transfer etdi
Azərbaycan millisinin alacağı mükafatın - Məbləği
Modriç: "Yaş sadəcə rəqəmdir"
