11.09.25
“Neftçi” klubunun məşqçisi Samir Əliyevin Qol.Az saytına müsahibəsi
- Bu gün “Neftçi”nin Çempionlar Liqasında “Zestafoni”ylə oyununda topa ilk toxunan sən olacaqsan. Bununla da futbolçu karyerana rəsmən son qoyacaqsan. Nə hisslər keçirirsən?
- Heç bilmirəm, nə deyim. Əlbəttə, ömrünün ən yaxşı illərini futbolla birgə keçirmişəm. Məni bu idman növünə böyük və xoş xatirələr bağlayır. Ona görə də futbolla vidalaşmaq mənə çox çətin gəlir. Ancaq mən real düşünən bir insanam. Hər şeyin başlanğıcı olduğu kimi, sonu da var.
- “Neftçi”yə məşqçi vəzifəsinə təyin olundun. Hazırda işlərin necə gedir?
- Pis deyil. Artıq bir təlim-məşq toplantısı keçmişik. İkinci təlim-məşq toplantısına hazırlaşırıq. Əvəzedici komandayla birgə bu dəfəki səfərimiz Gürcüstanadır. Lakin vida matçına görə hələ ki, Azərbaycanda qalası oldum. Yəqin ki, Gürcüstana sabah yola düşəcəyəm. Yavaş-yavaş məşqçiliyin sirlərini də öyrənirik.
- B kateqoriyası almaq məsələn nə yerdə qaldı?
- Məşqçilik kateqoriyasına görə sentyabr ayında imtahan verəcəyəm. Məşqçilik çox çətindir. Artıq bir aya yaxındır, məşqçi işləyirəm. Bunun necə çətin və bir məsulliyyətli iş olduğunu indi anlayıram.
- Bugünkü “Neftçi” - “Zestafoni” qarşılaşması haqda nə düşünürsən?
- Mən “Neftçi”dən qələbə gözləyirəm. Ancaq tam səmimi desəm, “Zestafoni” güclü komandadır. Çoxları “Neftçi”nin asan keçə biləcəyini düşünsə də, belə deyil. İlk növbədə bu komandanın iki dəfə Gürcüstan çempionu olmasını nəzərə almaq lazımdır. Həmçinin, avrokuboklardakı təcrübəsi də az deyil.
- Bəs, şansları necə dəyərləndirərdin?
- Şanslar 60/40-a “Neftçi”nin tərəfindədir. Komandamızın heyətində yaxşı futbolçular var, onlar qələbəyə acdılar.
- Yeni transferlər haqda nə deyə bilərsən?
- Bu futbolçular çox səviyyəlidirlər. Düzdü, onların çıxışlarını görməsəm də, statistikaya əsasən güclərini müəyyən etmək olur. “Neftçi” yalnız güclü və milli komandasının formasını geyinən futbolçu transfer edir. İnanıram ki, onlar bu gün əllərindən gələni edəcəklər.
Əli HƏYATİ
"Liverpul" Salahın yerinə onu nəzərdən keçirir
UEFA Superkubokunun matçı bu stadionda keçiriləcək
"Mingəçevir" daha iki transferini gerçəkləşdirdi
"Atletik" onu qeydiyyatdan keçirə biləcək
"Qarabağ"dan ayrıldı, "Sabah"a qayıtdı - Rəsmi
1-ci liqada yeni mövsümün ilk oyunları keçirildi
"Səbail" növbəti transferini açıqladı
"Sumqayıt" onunla yollarını ayırdı
"Turan Tovuz"dan yeni transfer - Rəsmi
Millimiz Belçikaya qalib gəldi
Kenan Yıldız A seriyasının ən yaxşısı seçildi
Luis Enrike əməliyyat olundu
Marko Roys klub prezidenti oldu
“Ayın qolu” layihəsində mövsümün ilk qalibi oldu - Video
"Qarabağ"ın U-19 komandası üçün legioner transfer edilib
"Çelsi"nin futbolçusu 3 aylıq sıradan çıxdı
"Sabah" vinger transfer etdi
Azərbaycan millisinin alacağı mükafatın - Məbləği
Modriç: "Yaş sadəcə rəqəmdir"
