28.10.25
Xəbər verdiyimiz kimi, Avstriyada hazırlıq prosesində olan “Neftçi” bu gün hazırlıq prosesi çərçivəsində son oyununu keçirib. Zaqreb “Dinamo”suyla matçda görüş “Neftçi”nin 1:0 hesablı qələbəsilə başa çatıb. Güclü yağış səbəbindən 68-ci dəqiqədə yarımçıq dayandırılan bu oyunda “Neftçi”ni meydana baş məşqçinin köməkçisi Tərlan Əhmədov çıxarıb. B.Hacıyev xəstələndiyi üçün oyuna gəlməyib.
“Dinamo”yla oyundan sonra T.Əhmədov Qol.Az saytının suallarını cavablandırıb
- Oyunla bağlı fikirləriniz necədir?
- Doğrudan da, gözəl, maraqlı oyun alındı. Hər iki komanda yaxşı kombinasiyalar qururdu. Heyf ki, möhkəm yağan yağışa görə oyun yarımçıq dayandırıldı. Futbolçularımızın əzmkarlığını qeyd etmək istərdim. Xətlərarası əlaqələr yerində idi. Keçən oyunla müqayisədə bu gün səhvlər çox nəzərə çarpmadı.
- Artıq yoxlama oyunlarını başa vurdunuz. Növbəti görüşünüz isə Çempionlar Liqasında «Zestafoni»yə qarşı olacaq. Komandanızın həmin oyuna tam hazır sayırsınız?
- Tam olmasa da, 70-80 faiz hazırıq. O vaxta qədər isə taktiki gedişlərlə bağlı müəyyən tapşırıqlarımız olacaq. Düşünürəm ki, oyuna qədər komandanı yüz faiz hazır vəziyyətə gətirəcəyik.
- «Neftçi»nin bugünkü oyununda kimi fərqləndirmək istərdiniz? «Dinamo»nun baş məşqçisi Cavid İmamverdiyevlə Julius Vobayın adını xususi çəkib.
- Mən fərdi olaraq kiminsə adını çəkmək istəməzdim. Ümumən onu təkrar edə bilərəm ki, futbolçularımız çox qəşəng oyun göstərib, verilən tapşırıqları yerinə yetirdilər. Hər şey öz qaydasındaydı. Vobayla Cavid, eləcə də Rəşad Sadiqov texnikası yüksək olan oyunçulardır.
- Bu yoxlama görüşlərindən sonra komandanızın «Zestafoni»ylə oyunda şanslarını necə görürsünüz?
- Bütün bunları oyunda görəcəyik. Bu matçın əhəmiyyəti, məsuliyyəti böyükdür. İndidən desəm ki, mərhələni adlayacağıq, doğru olmazdı. Rəqib güclü komandadır. Təsadüfi deyil ki, iki il ardıcıl Avropa Liqasının pley-off mərhələsində oynayıb. Unutmamalıyıq ki, Çempionlar Liqasında zəif komanda yoxdur. Lakin əlbəttə, bizim məqsədimiz mərhələni adlamaqdır.
- Artıq hazırlıq prosesini yekunlaşdırdınız. «Neftçi» Bakıya nə vaxt qayıdır?
- İnşallah, sabah axşam komanda Bakıda olacaq.
Salah Lemparda çatdı
"Nəticə bizi məyus etdi”
“Ayaqlarım imkan verdiyi müddətcə oynamağa davam edəcəyəm”
Hələlik ən çox qol vuran futbolçu odur
Dembele yenidən zədələndi
"Sumqayıt"ın 3 qollu qələbəsi - Video
"Hakimlik haqda danışmağı xoşlamıram" - Saşa İliç
“Barselona”nın sabiq futbolçusu BƏƏ klubuna keçdi
"Çempionat hamı üçün ağırdır" - Elmar Baxşıyev
"Sumqayıt" və “Turan Tovuz”dan qələbə
“İnter” səfərdə minimal hesablı qələbə qazandı
Tovuz stadionunun yenilənmiş meydançasında 3 qol - Video
Premyer Liqa klubu baş məşqçini istefaya göndərdi
"Sumqayıt" - "Araz-Naxçıvan": Heyətlər
Ştegen noyabrın sonunadək meydana qayıda bilər
Qrizmann La Liqanın tarixinə düşdü
Tovuzda heyətlər açıqlandı
Azərbaycan millisinin İslamiada üçün heyəti bilindi
Yamal sevgilisindən ayrılıb
Ötən gecə zədələnən Arda Gülerin durumu necədir?
