03.02.26
“MKT-Araz”ın ukraynalı sabiq futbolçusu Dmitri Parxomenko Qol.Az-a müsahibə verib
- Dmitri, hazırda futbolçu karyeranı davam etdirirsən?
- Bəli, Ukrayna I Divizionunda yarışan "Odessa" komandasının heyətində çıxış edirəm. Son mövsümü pis keçirdik və yalnız sonanda I Divizionda qala bildik.
- “MKT-Araz”dan ayrıldıqdan sonra karyeranda ciddi bir dəyişiklik baş verib?
- Demək olar ki, 1 il vaxtımı boşa keçirdim. 2007-ci ildə “Dnestr”ə keçdim. Yeri gəlmişkən, həmin komandanın baş məşqçisi mənim böyük qardaşım idi. Bundan sonra oyunumda irəliləyiş oldu, daha çox oyun praktikası qazanmağa başladım. 2008-ci ildən isə "Odessa"dayam.
- Səhv etmiriksə, “Dnestr”dən əvvəl Ermənistanda oynamısan, 2008-ci ildə "Banans"da forma geyinmisən. Azərbaycan çempionatı ilə Ermənistan çempionatı arasında hansı müqayisəni aparmaq olar?
- Siz nə danışırsınız? Ümumiyyətlə, müqayisə aparmaq olmaz. Ermənistanda meydançalar elə gündədir ki, orada ancaq kartof əkmək olar. Bir sözlə, meydança yox, bostana bənzəyirdi. Qaça-qaça kartof, soğan yığırdıq (gülür). Oyun öncəsi məşqə gələndə qazonu görüb dəhşətə gəlirdik. Necə ola bilərdi ki, yüksək liqada oynayan komanda belə meydançada məşq edir.
- Azərbaycanla bu dəqiqə əlaqələrin var?
- Orada dostlarım var arada əlaqə saxlayırıq. Amma ayrıldıqdan sonra siz tərəflərə yolum düşməyib.
- Azərbaycan xatirində necə qalıb?
- Xatirələrim müsbətdi. O vaxt bizim gözəl, mehriban komandamız var idi. Düzdür, çempion ola bilmədik, amma, iddialılarla başa-baş oynamağı bacarırdıq. Hətta bir dəfə kuboku qazanmağa da yaxın idik. Lakin təəssüf ki, son dəqiqələrdə qol buraxıb məğlub olduq (2007-ci il "Xəzər Lənkəran"la final oyunu (0:1) nəzərdə tutulur - red.).
- Amma avrokuboklarda iştirak eləmişdiniz...
- Düzdür, 2 dəfə avrokuboklarda oynamışdıq. Bir dəfə İntertoto kubokunda, bir dəfə isə UEFA kubokunda. Ancaq təəssüf ki, orada uğurlu çıxış edə bilmədik.
- “MKT-Araz” legionerlərin bolluğu ilə seçilirdi və buna görə tənqid də olunurdu...
- Niyə ki, bizdə azərbaycanlı futbolçular da oynayırdı. O ki qaldı legionerlərin çoxluğuna, həmin dövrdə digər komandalarda da kifayət qədər legionerlər oynayırdı.
- “MKT-Araz”ın sonrakı taleyindən xəbərin oldu?
- 2007-ci ildə çempionatın startına 1 həftə qalmış bizə dedilər ki, komanda artıq dağılır. Rəhbərlik komandanı saxlamaq niyyətində deyil. Bunun ardından mən də Ukraynaya qayıtmalı oldum.
- Azərbaycanda ən çox yaddaşında qalan nə oldu?
- Azərbaycanda yaxşı günlərim keçdi. Azərbaycanlılar qonaqpərvər, istiqanlı xalqdı. Düzdür, bəzən olurdu ki, mağazada ya taksidə gəlmə olduğumuzu görüb bizdən daha çox pul alırdılar.
- Sabiq baş məşqçiniz İqor Nakoneçni ilə əlaqəniz var?
- O, bir ara Moldovada işlədi sonra Ukraynaya qayıtdı. Hazırda Ukraynada I Divizionda çalışır, imkan daxilində əlaqə saxlayırıq.
- Azərbaycan futbolunu izləyirsən?
- İnternetdən imkan daxilində izləməyə çalışıram.
Anar XANLAROV
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
