"Neftçi" Türkiyədə 3-cü oldu

Bakının "Neftçi" klubu Çeçenistan Respublikasının mərhum prezidenti Əhməd Kadırovun xatirəsinə həsr olunmuş beynəlxalq turnirdə bu gün son görüşünü keçirib.

Qol.Az-ın məlumatına görə, son Azərbaycan çempionu III yer uğrunda Rusiyanın "Terek" klubu ilə qarşılaşıb.

Qrup mərhələsi çərçivəsində Ukraynanın "Metallist" klubuna uduzan "Neftçi" turnirin üçüncüsü ola bilərdi. Bunun üçün də Böyükağa Hacıyevin komandası "Terek"i məğlub etməli idi ki, bunu da bacarıb. 

Qeyd edək ki, oyun Bakı vaxtı ilə saat 13:00-da başlayıb.




3 fevral

III yer uğrunda oyun

13:00. "Neftçi" - "Terek"  - 3:0
Qollar: Slavço Georgiyevski, 18 (1:0), Cavid İmamverdiyev, 48 (2:0), Cavid Hüseynov, 66 (3:0)


"Neftçi"nin start heyəti: Rauf Mehdiyev, Alessandro Viana da Silva, İqor Mitreski, Cavid İmamverdiyev, Slavço Georgiyevski, Cavid Hüseynov, Mirhüseyn Seyidov, Rəşad Abdullayev, Denis Silva, Ruslan Əmircanov, Bahodir Nasimov.

"Terek"in start heyəti: Y.Qodzyur, D.Yatçenko, B.Georgiyev, S.Essame, A.Pavlenko,M.Mguni, O.Vlasov, P.Poldzak, M.Jiranek, O.İvanov, İ.Lebedenko


Qeyd edək ki, "Neftçi" oyuna itkilərlə çıxıb, Rail Məlikovla, Ruslan Abışov zədəli olmaları səbəbindən meydana çıxa bilməyib. Bu futbolçuların Unibank Premyer Liqasının XIX turu keçiriləcək "Bakı" - "Neftçi" matçında oynayıb-oynamayacaqları da sual altındadır.


Oyun başladı


10. Matçın ilk 10 dəqiqəsi geridə qaldı. "Terek"in ərazi üstünlüyü azacıq da olsa nəzərə çarpır. Amma hələ ki hesab açılmayıb.
12. "Neftçi"nin əks hücumü təhlükəli alındı. Qapıçının irəli çıxdığını görən Rəşad Abdullayev uzaq məsafədən zərbə endirdi. Bu epizodda top azacıq qapının üstündən keçdi
18. Slavço Georgiyevskinin möhtəşəm zərbəsindən sonra top düz doqquzluqdan qapıya daxil oldu...."Neftçi" 1-0 hesabı ilə irəlidədir.
22. Rəşad Abdullayevin cərimə zərbəsindən sonra qapıçı topu tutur
25. "Neftçi"nin daha bir hücümü təhlükəli alına bilərdi amma "Terek"in futbolusu Bahadır Nəsimovun qarşısını kobudluqla alır. Bu da azmış kimi hakim simulyasiyaya görə Nəsimova sarı vərəqə göstərir
33. Mirhüseyn Seyidovun cərimə zərbəsindən sonra qapıçı topu tutur
36. B.Georgiyevin cərimə zərbəsi zamanı, qapı dirəyi "Neftçi"ni qoldan xilas edir
44. Georgiyev yenidən diqqət mərkəzinə düşür. Bu dəfə onun zərbəsini Rauf Mehdiyev zərərsizləşdirir, təkrar zərbə isə qapı tirinə tuş gəlir


İlk hissə başa çatdı


İkinci hissə başlandı...

"Neftçi"nin heyətində bir dəyişiklik var. Qapıçı Rauf Mehdiyev, Saşa Stamenkoviçlə əvəzlənir

48. Bahadır Nəsimov rəqib müdafiəçilərlə mübarizədən qalib ayrılıb topu boş mövqedə olan Cavid İmamverdiyevə ötürür. O da öz növbəsində qapını dəqiq nişan alır - 2:0.
52. "Neftçi" 3-cü topu vura bilərdi. Mirhüseyn Seyidovun təxminən 30 metr məsafədən vurduğu topu qapıçı çətinliklə tutdu
64. Rəqibin heyətində Georgiyevin zərbəsi qapının üstündən keçdi
66. Cavid Hüseynovdan fantastik bir zərbə. Məhz onun zərbəsindən sonra top qapının doqquzluğundan tora daxil oldu - 3:0.
70. Bahadır Nəsimov 4-cü topu rəqib qapısına vurur. Təəssüf ki, hakimin bayrağı havadadır.Oyundan kənar vəziyyət. Ümumiyyətlə bu qarşılaşmada hakimin bir çox qərarları şübhə doğurur
76. "Terek"in hücumu təhlükəli alındı amma bu dəfə top qapının yanından keçdi
77. Cavid Hüseynovun zərbəsi gözəl alınır amma qapıçı komandasını 4-cü qoldan xilas edir
Yeri gəlmişkən oyunu izləyənlə arasında "Terek" klubunun prezidenti Maqomed Daudov və "Anji" klubunun keçmiş baş məşqçisi Hacı Hacıyev də var
78. Cavid İmamverdiyev meydanı tərk edir. Onun yerinə oyuna gənc Kənan Manaflı daxil olur
85. "Neftçi"nin daha bir gənc üzvü İlham Allahverdiyev, Bahadır Nəsimovu əvəzləyir

Oyun başa çatdı. "Neftçi" "Terek"i 3:0 hesabı ilə məğlub etdi.