14:05
“Sabah”ın UEFA Çempionlar Liqasının Liqa mərhələsinə yüksəlməsi klub tarixinin ən böyük uğurlarından biri olmaqla yanaşı, Avropa futbolunda da diqqət çəkib.
QOL.az xəbər verir ki, “Euronews” Bakı klubunun uğuruna geniş məqalə həsr edib. Yazıda “Sabah”ın baş məşqçisi Valdas Dambrauskasın da fikirlərini yer verilib.
Həmçinin oxuyun: "Bizi “Moneyball” fəlsəfəsi ruhlandırdı" - Maqsud Adıgözəlov
Məqalədə Dambrauskasın məşqçilik karyerasına gedən qeyri-adi yolundan bəhs olunur. 2002-ci ildə o, Litvada yayımlanan “Kim milyonçu olmaq istəyir?” televiktorinasında böyük məbləğdə pul mükafatı qazanıb. Litvalı mütəxəssis həmin vəsaitdən İngiltərəyə köçmək və UEFA-nın məşqçilik kurslarında təhsil almaq üçün istifadə edib.
Dambrauskas heç vaxt peşəkar səviyyədə futbol oynamayıb. Məşqçilik kurslarının xərcini ödəmək üçün müxtəlif vaxtlarda dayə, satıcı və qəzet paylayan kimi çalışıb. Daha sonra “Fulhem”, “Brentford” və “Mançester Yunayted”in gənclər akademiyalarında fəaliyyət göstərib. “Sabah” onun məşqçilik karyerasında çalışdığı 10-cu klubdur.
Dambrauskas “Euronews”a açıqlamasında keçdiyi yol barədə belə deyib: “Bəzən çətin olurdu. Çox işləməli və bəzən hətta özüm özümdən şübhələnəndə, ətrafımdakı insanlar da mənə inanmayanda özümə inanmalı idim. Mən bu uğuru mühüm mərhələ kimi qəbul edirəm və düşünürəm ki, yol nəticədən daha vacibdir. Qarşıda başqa arzular var və mən heç də dayanmaq fikrində deyiləm”.
Litvalı mütəxəssis televiktorina ilə bağlı hekayənin bir qədər şişirdildiyini də bildirib: “Mənə elə gəlir ki, televiktorina ilə bağlı hekayə bir qədər şişirdilib”.
Baş məşqçi ÇL-də Liqa mərhələsində düşmələrinə baxmayaraq, Azərbaycan çempionatının əhəmiyyətini xüsusi vurğulayıb: “Hamı Çempionlar Liqasından danışır, amma orada oynamaq hüququnu bizə məhz Azərbaycan çempionatı verir. Diqqəti itirməmək və hər oyunumuza hazırlaşmaq çox vacibdir. Bizim heyrətamiz beynəlxalq komandamız var. Tez-tez start heyətində 11 müxtəlif milliyyətdən olan 11 futbolçu meydana çıxır. Belə bir mühitdə fəlsəfəmizin qurulduğu əsas söz hörmətdir”.
Türkiyə klubuna keçsə, üçqat maaş alacaq
Messinin "10" nörmrəsi üçün namizəd odur
Azərbaycan millisinin matçının yeri dəyişdirildi
Yığmamız Qırğızıstana uduzdu
Çempionlar Liqasında debütant futbolçularla bağlı yeni qayda
Ozan Can oynadı, komandası uduzdu
Elvin Cəfərquliyev əməliyyat olundu
Türkiyə klubunun 24 xalı silindi - FİFA-dan sərt cəza
"Dinamo" və "Ağstafa Gəncləri" mövsümə qələbə ilə başladı
2-ci liqada 2-ci turun oyun cədvəli açıqlandı
Əsas heyətə düşə bilmədi, komandadan getdi
Bu yayın ən çox transfer edən klubları bilindi
Rəhim Həsənovdan mübahisəli epizodlara şərh - Video
Mbappeni qaçırmağa hazırlaşan şəxs saxlanıldı
"Neftçi" onunla yolları ayırdı - Rəsmi
“Real”ın futbolçusuna sərt cəza - Sərxoş halda maşın sürüb
Mudrik "Çelsi"dən "Tottenhem"ə keçdi
"Qarabağ”ın İsmaili QOL.az-a nələri danışdı?
“Milan”da qalır
Renato Sançes PSJ-dən ayrıldı
"Liverpul" 18 yaşlı qapıçı aldı
"Şamaxı"dan ayrıldı, Əlcəzairdə oynayacaq
Almaniya millisinin üzvü “Yuventus”da - Rəsmi
“Barselona” onu icarəyə verdi
Azərbaycan Premyer Liqa klubundan - 100 min avroluq transfer
"Qalatasaray" daha bir transferi açıqladı
