06.09.26
Hazırda davam edən DÇ-2026-da bir ritual bütün dünyanın diqqət mərkəzinə düşüb. “Viking Row”, yəni “Vikinq gəmisi” adlanan bu şounu biz vikinqlərin vətəni - Norveçin milli komandasının hər uğurlu oyunundan sonra görə bilirik.
QOL.az xəbər verir ki, ən son onlar Braziliyaya qarşı 1/8 final matçındakı parlaq qələbədən sonra bu yeni ənənəni davam etdiriblər. Bəli, “Vikinq gəmisi” şousu çoxlarına qədim ənənə kimi görünsə də, əslində bu, tamamilə müasir futbol azarkeşi ritualıdır.
Bəs, o, nə vaxt yaranıb?
Bu ənənə 2025-ci ildə yaradılıb. Müəllifi Norveç millisinin rəsmi azarkeş qrupunun (Oljeberget) koordinatorlarından olan ibtidai sinif müəllimi Ole Froystad hesab olunur. Məqsəd Norveç azarkeşlərinə beynəlxalq arenada dərhal tanınacaq, özünəməxsus bir simvol qazandırmaq idi.
Niyə məhz vikinq gəmisi?
Çünki vikinqlər Norveç tarixinin və milli kimliyinin ən güclü simvollarından biridir. Onların uzun gəmiləri (longship) dünya tarixində məşhurdur.
Bu şounu azarkeşlər necə icra edirlər?
- yerə və ya tribunada yan-yana otururlar;
- eyni anda avar çəkirmiş kimi hərəkət edirlər;
“Ro!” (“Avar çək!”) şüarını səsləndirirlər;
- ritmi nağara və bəzən qədim skandinav buynuzu (horn) müşayiət edirlər.
Məqsədi nədir?
Əsas məqsəd Norveç millisinin özünəməxsus futbol mədəniyyətini yaratmaq idi. Bununla komanda və azarkeşlər arasında birlik nümayiş etdirilir, Norveçin vikinq irsinə işarə edilir, stadionda vizual olaraq yadda qalan görüntü yaradılır, sosial şəbəkələrdə asanlıqla yayılan unikal futbol ənənəsi formalaşdırılır.
Niyə bu qədər məşhur oldu?
Norveç 2026-cı il dünya çempionatına 28 illik fasilədən sonra qayıtdı. Qrupdan çıxandan sonra futbolçular, xüsusilə Martin Edeqor və Erlinq Haaland, azarkeşlərlə birlikdə bu hərəkəti etdilər. Həmin an sosial şəbəkələrdə milyonlarla dəfə izlənildi və “Viking Row” turnirin simvollarından birinə çevrildi.
Bu şou artıq stadionlardan kənara da çıxıb. Norveçdə küçələrdə, metro stansiyalarında, meydanlarda, hətta ABŞ-da Times Square ərazisində minlərlə norveçli birlikdə “Vikinq gəmisi” hərəkətini edib. Hətta Norveç kral ailəsinin üzvləri də azarkeşlərlə birlikdə bu rituala qoşulublar.
Bu ənənə artıq Norveç millisinin DÇ-2026-da çıxışının ayrılmaz simvoluna çevrilib.
Norveç - Braziliya oyunundan sonra "Vikinq gəmisi" şousu
“Yetirmələrimizə şans verməyə çalışdıq” - Azər Məmmədov
“Real” azarkeşi “Barselona”nın stadionundan qovuldu
FİFA mundial biletlərindən milyardlar qazandı
“Bu futbolçulara inanmaq lazımdır” - Famil Xəlilov
Azərbaycan kubokunda növbəti 1/8 finalçılar məlum oldu
Neymarın cəzası bilindi
Baş məşqçinin problemi bəlli deyil
Azərbaycan millisi Cəbəllütariqə qalib gəldi
“Araz-Naxçıvan” Çempionlar Liqasında məğlub oldu
Güclü yağışa görə matç təxirə salındı
İspanların 400 minlik təklifini geri çevirdi
"Qarabağ" "Dinamo" Zaqrebə uduzdu
"Neftçi"nin futbolçusunun cəzası bilindi
AFFA-dan cəza və cərimələr
İspaniya Superkuboku Azərbaycanda?
Mehdi Cənnətov: “Zamanla daha yaxşı vəziyyətdə olacağıq”
Yamalın atası yenə insident törətdi
“Real” Çin xalqından üzr istədi
Rəşad Sadıqov narazılıq etdi, PFL-dən cavab gəldi - Video
La Liqa klubunda baş məşqçi ayrılığı
“Fənərbaxça” müvəqqəti baş məşqçini açıqladı
"Səbail"in kapitanı məyusluğunu bölüşdü
