21:15
Azərbaycan milli komandasının qapıçısı Emil Balayev Malta yığmasına qarşı keçiriləcək yoldaşlıq matçından öncə fikirlərini bölüşüb.
QOL.az xəbər verir ki, təcrübəli qolkiper uzun fasilədən sonra yenidən yığmaya dəvət aldığı üçün məşqçilər heyətinə təşəkkür edib və düşərgədəki ab-havanı yüksək qiymətləndirib:
"Uzun fasilədən sonra məni yenidən yığmaya dəvət etdiklərinə və etimad göstərdiklərinə görə məşqçilər heyətinə minnətdaram. Burada olduğum üçün çox şadam. Bizi maraqlı oyun gözləyir. Komandada əla ab-hava var. Artıq dörd gündür ki, Avstriyada hazırlıq keçirik. Burada əsl ailə ab-havası hökm sürür".
Qapıçı daha sonra jurnalistlərin suallarını cavablandıraraq millidəki digər qapıçılarla olan rəqabətindən bəhs edib:
- Şahruddin Məhəmmədəliyevlə aranızda həmişə rəqabət olub. Bu rəqabət üçün darıxmısınızmı?
- Bəli. Karyeram ərzində bir çox həmkarımla rəqabət aparmışam, amma Şahruddinlə olan rəqabətimiz tam fərqli və xüsusi idi. Bununla yanaşı, biz həmişə bir-birimizi dəstəkləmişik. Aramızda dostluq, necə deyərlər, qardaşlıq rəqabəti var.
- Bəs Rza Cəfərovla bağlı nə deyə bilərsiniz?
- Rza "Neftçi"nin futbolçusudur. İcarə müddəti başa çatdıqdan sonra yenidən kluba qayıdıb. İnanıram ki, gələcəkdə onu hələ çox iş başında görəcəyik.
Minifutbol üzrə Avropa çempionatında ilk finalçı bilindi
"PSJ-yə uyğunlaşmaq çox çətindir"
Yamal zirvədə, Arda Güler 2-ci yerdə
Mourinyonun "qara" siyahısına düşdülər
UEFA klubların yeni reytinqini açıqladı
Bölgə klubunda yeni təyinat
DÇ-2026: Türkiyə millisinin oyun təqvimi
İran yığması DÇ-2026 üçün viza aldı
La Liqanın ən yaxşı baş məşqçisi bəlli oldu
"Bayer" Arbeloanın təklifini geri çevirdi
Ştegenə "Ayaks"dan maraq var
Klub 9 aydan sonra onu göndərdi
Vlahoviç "Yuventus"dan gedir
