15:25
İngiltərənin “Nyukasl” klubunun baş məşqçisi Eddi Hau Çempionlar Liqasının pley-off mərhələsinin ilk oyunları çərçivəsində sabah "Qarabağ"a qarşı keçirəcəkləri matçdan öncə təşkil olunan mətbuat konfransında jurnalistlərin suallarını cavablandırıb.
QOL.az xəbər verir ki, təcrübəli mütəxəssis "Qarabağ"ın oyun üslubunu yüksək qiymətləndirib və Ağdam təmsilçisinin matçlarını analiz etdiklərini bildirib. O, uzun yol gəldiklərini və heyətdəki itkiləri qeyd etsə də, Bakıdan yaxşı nəticə ilə dönmək niyyətində olduqlarını vurğulayıb:
"Qarabağ"ın ötən oyunlarını yaxşı təhlil etmişik, onlar formalaşmış, keyfiyyətli oyun üslubuna malikdirlər. Xüsusən də "Çelsi" ilə matç hər iki tərəf üçün çətin keçmişdi, həmin oyunu diqqətlə nəzərdən keçirmişik. Bizi çətin oyunun gözlədiyini deyə bilərəm.
Bu mərhələ pley-offdur və burada qələbə qazanmaq bizim üçün son dərəcə vacibdir. Çox uzun və çətin yol keçmişik, müəyyən yorğunluq var, amma buna baxmayaraq, yaxşı nəticə əldə etmək əzmindəyik. Son oyunlarda göstərdiyimiz uğurlu performansın davamını Bakıda da gətirmək istəyirik".
Baş məşqçi heyətdəki zədəli futbolçular barədə də məlumat verərək bəzi oyunçulardan sabahkı qarşılaşmada yararlana bilməyəcəklərini etiraf edib:
"Sabah bəzi futbolçularımızdan zədə səbəbindən yararlana bilməyəcəyik. Üstəlik, kifayət qədər sıx oyun qrafikimiz var və bütün bu amilləri nəzərə almışıq. Buna baxmayaraq komandada əhval-ruhiyyə yüksəkdir və hər məsələyə kollektiv şəkildə yanaşırıq.
“Qarabağ”ın hansısa bir oyunçusunun xüsusi çətinlik yaradacağını demək istəməzdim, amma heyətdə texniki baxımdan güclü futbolçular var. Rəqibin baş məşqçisi Qurban Qurbanovun uzun illərdir komandanı çalışdırması böyük hörmət doğurur. O, kifayət qədər çətin turnirdə uğurlu nəticələr qazanır və rəhbərliyi altında komanda keyfiyyətli futbol sərgiləyir.
Xüsusilə cinahlarda çox sürətli və bacarıqlı oyunçulara malikdirlər ki, bu da onların oyununa əlavə dinamika qatır".
Xatırladaq ki, matç fevralın 18-də, Tofiq Bəhramov adına Respublika Stadionunda keçiriləcək və saat 21:45-də başlayacaq.
"Qalatasaray"ın yetirməsi doğma klubuna qayıtmağa hazırlaşır
“Bizim vəzifəmiz meydanda döyüşməkdir” - Qurban Qurbanov
"Qarabağ"ın qələbəsindən - Video
"Qarabağ" "Sumqayıt"a, "Sabah" "Araz-Naxçıvan"a qalib gəldi
"Hakimləri qorumaq üçün VAR sistemini tətbiq etməliyik"
“Qızıl top” qalibləri nə vaxt açıqlanacaq?
"Neftçi" xorvatiyalı futbolçu transfer etdi
"Çelsi"dən ayrıla bilər
“Müdafiədə yenə kobud səhv etdik” - Zaur İsmayılov
Benzema "ƏI-Hilal"dan getdi
"Sabah" "Araz-Naxçıvanı"ı belə məğlub etdi - Video
Messi millidəki karyerasını başa vurdu - Şəkil
Kenan Yıldız əməliyyat olundu
"Sumqayıt" - "Qarabağ" matçının heyətləri açıqlandı
Gəncə stadionunda azarkeş coşğusu - Video
Azərbaycan millisi Polşada birinci yeri tutdu
Mahir Emrelinin baş məşqçisi istefa verdi
“Əvvəlcə sağal, sonra qapımız sənin üzünə açıq olacaq”
"Liverpul"da qala bilər
"Milan" Hatçinsonun transferi ilə bağlı razılığa gəldi
"Araz-Naxçıvan" - "Sabah": Heyətlər açıqlandı
"Mançester Siti" Braziliyadan hücumçu transfer etdi
"Tottenhem"dən "Portu"ya
Azərbaycan klubundan ayrıldı, Rumıniyada oynayacaq
Trabzonda Salahın adı küçəyə verilə bilər
3 ildən sonra: Yenə “Zirə”
Azərbaycanı Avropa çempionatında onlar təmsil edəcəklər
