23:00
Belaruslu məşqçi Aleksandr Xatskeviç Ukrayna millisinin son nəticəsini dəhşətli adlandırıb. Lakin o, baş məşqçi Sergey Rebrovun komandada qalmasının vacib olduğunu vurğulayıb.
QOL.az xəbər verir ki, o, bu barədə “Ukrainski futbol” nəşrinə bildirib.
Millətlər Liqasında ukraynalılar elit divizionda yer uğrunda Belçikaya qarşı pley-off oyunları keçiriblər. İlk matçda Ukrayna 3:1 hesabı ilə qalib gəlsə də, cavab görüşündə 0:3 hesabı ilə ağır məğlubiyyət alıb.
Xatskeviç həmçinin bildirib: “Sergey Stanislavoviç dedi ki, komanda qarşısında Millətlər Liqasında qoyulan vəzifələr yerinə yetirilib. Gəlin xatırlayaq ki, komanda B qrupundan düşmək üzrə idi, hər şey yalnız son turda həll olundu, üstəlik, elit diviziona yüksəlmək imkanı da yarandı.
Əlbəttə, Belçikaya qarşı ikinci oyun nə komanda, nə də Rebrov üçün müsbət qiymətləndirilə bilər. Amma hər oyundan düzgün nəticə çıxarmaq və irəli getmək lazımdır.
Bəlkə də Sergey Stanislavoviçin Millətlər Liqasını yoldaşlıq turniri hesab etdiyini deməsi əlavə neqativ yaratdı. Ukrayna millisinin əsas hədəfi dünya çempionatına vəsiqə qazanmaqdır. Bunu təkcə Rebrov yox, həm də Şevçenko bəyan etmişdi.
Mən də millinin oyunundan narazı olanlardan biriyəm, nəticə isə, ümumiyyətlə, dəhşətlidir. Amma Rebrov seçmə mərhələni sona qədər başa vurmalıdır. Çünki onun qarşısında duran vəzifə Millətlər Liqası deyil, DÇ-2026-ya vəsiqədir”.
Xatırladaq ki, DÇ-2026-nın seçmə mərhələsində Ukrayna D qrupunda İslandiya, Azərbaycan və Fransa ilə mübarizə aparacaq.
Arne Slotdan antirekord
Ağlasığmaz təklif
“Bu nəticə gözlənilməz oldu” - Saşa İliç
“Turan Tovuz” 3 xalı 3 qolla qazandı - Video
“Qarabağ” evdə, “Turan Tovuz” səfərdə qalib gəldi
“Qarabağ” “Kəpəz”i minimal hesabla məğlub etdi – 1:0 - Video
Maykl Olise üçün 100 milyon avroluq təklif
“3 xal önəmli idi” - Qurban Qurbanov
“Sumqayıt” - “Turan Tovuz”: Heyətlər
“Biz bilmirik, Yamal nə vaxt qayıdacaq”
Mixal Bilek: “Azərbaycan millisi çox müdafiə olunacaq”
UEFA-dan Asim Xudiyevə növbəti təyinat
AFFA U-21 millisinə baş məşqçi təyin etdi - Rəsmi
