Morata transferinin maliyyə detalları

Morata transferinin maliyyə detalları
DÜNYA FUTBOLU 3 Fevral 2025 / 01:00 4493
-  A +

"Qalatasaray" "Milan"ın futbolçusu Alvaro Moratanı heyətinə cəlb etdiyini açıqlayıb.

QOL.az xəbər verir ki, ispaniyalı hücumçu ilə 1 illik  icarə müqaviləsi imzalanıb.

Klub Moratanın transferinin detalları ilə bağlı rəsmi açıqlama da yayıb. İstanbul təmsilçisi 32 yaşlı futbolçunun icarəsi üçün "Milan"a 6 milyon avro ödəyəcək. "Sarı-qırmızılar" futbolçunun özünə də 6 milyon avro maaş verəcək.  

"Qalatasaray" gələn ilin yanvarında satınalma şərtini aktivləşdirsə, "Milan"a 8 milyon avro ödəməlidir. Bildirilib ki, bu ödəniş 6 hissəyə bölünə bilər.

Qeyd edək ki, "Milan" Alvaro Moratanı mövsümün əvvəlində "Atletiko"dan transfer edib. İspaniya millisinin üzvü A Seriyası təmsilçisinin heyətində keçirdiyi 25 rəsmi matçda 6 qol vurub, 2 qol ötürməsi edib.


Son xəbərlər