“Sabah”ın xorvatiyalı baş məşqçisi Krunoslav Renduliç “Qarabağ”ın Çempionlar Liqasının pley-off mərhələsində Zaqreb “Dinamo”su ilə qarşılaşmalarından əvvəl ölkəsinin mətbuatına müsahibə verib.
QOL.az “Vecernji List” nəşrinə istinadən xəbər verir ki, o, əvvəlcə keçmiş komanda yoldaşı, “Dinamo”nun baş məşqçisi Sergey Yakiroviçin ondan “Qarabağ”la bağlı məlumat almadığını bildirib:
“Ancaq bu, o demək deyil ki, əlaqə saxlamayacaq. Düzü, "Qarabağ"ı yalnız onlarla matçımızdan əvvəl daha intensiv izləməyə və təhlil etməyə başlayıram. Onların hazırda ən böyük keyfiyyəti Avropada topladıqları zəngin təcrübədir. Komandanı dəyişməyiblər, yalnız qapıçı Andrey Lunyovu Moskva "Dinamo"suna buraxıblar. Əvəzində bizim Buntiçi (Xorvatiyalı Fabiyan Buntiçi nəzərdə tutur – red.) və polşalı Koxalskini gətiriblər”.
K. Renduliç "Qarabağ"ı çempionatda məğlub etmisiniz. Bunu necə bacarmısınız?” sualına belə cavab verib: "Qoritsa" və ya "Slaven Belupo" "Dinamo"ya qalib gəldiyi kimi. "Qarabağ" daxili liqanın dominant komandasıdır. Onlar "Bayer Leverkuzen"ə qarşı son saniyələrə qədər başabaş oynamaqla Avropada da öz gücünü nümayiş etdiriblər. Bütün mövqelərdə güclüdürlər, yaxşı əcnəbiləri var və bütün yaxşı azərbaycanlı futbolçular onların heyətində oynayırlar. Bu komanda hücumda son dərəcə güclüdür və çoxlu istedada malikdir. Daxili liqada qayda belədir ki, ilk "11-lik"də dörd azərbaycanlı oynamalıdır, Avropada isə öz legionerlərindən maksimum istifadə edirlər. Braziliyalı Juninyo çox yaxşı hücumçudur və istənilən komandanı sıradan çıxara bilər. Ötən mövsüm Leverkuzen təmsilçisini "öldürdü", hər iki oyunda qol vurdu!
"Qarabağ" topa sahib olmaq baxımından yaxşıdır, həqiqətən də, öldürücü hücum xətti var: Juninyo, əlcəzairli Benzia və fransalı Zubir. Adlarını qeyd etdiyim son iki futbolçu "cəhənnəm oyunçuları"dırlar. Topla güclü, gözlənilməzdirlər. "Qarabağ" ciddi komandadır və hörmətə layiqdir. "Dinamo" üçün çox çətin olacaq”.
Renduliç “Dinamo”nun yerli çempionatda 3 oyunda 3 qələbə qazanmasına da münasibət bildirib: "Dinamo" cəmi 3 oyun keçiribsə, Azərbaycan klubu 6 matça çıxıb. Üstəlik, 4-ü Çempionlar Liqası matçı olmaqla. "Qarabağ" ötən mövsümkü heyətini qoruyub, Xorvatiya çempionunda isə bir sıra yeni futbolçular var. Rəqib çempionat oyununu təxirə salıb və bütün fikrini "Dinamo"ya yönəldib. Mən hələ "Osiyek"ə xəbərdarlıq etmişdim ki, "Zirə"yə qarşı diqqətli olun, onlarla zarafat etməyin, bu ciddi komandadır. Azərbaycan çempionatı çox gərgin və dinamik liqadır, hansısa rəqibə asanlıqla qalib gələcəyinizi demək olmur. "Qarabağ"ın avrokubok matçlarında isə stadion həmişə doludur”.
"Sabah"ın baş məşqçisi Qurban Qurbanovun artıq 16 ildir “Qarabağ”ı çalışdırdığını vurğulayıb: “O, bütün səlahiyyətlərə malikdir. Futbolçuları özü seçir, söz sahibi odur. Heç kim işinə qarışmır”.
50 yaşlı mütəxəssis “Qarabağ”ın Çempionlar Liqasının 3-cü təsinfat mərhələsində “Ludoqorots”ə ilk oyunda 1:2 hesabı ilə məğlub olub, səfərdə 7:2 hesabı ilə qələbə qazanmasından da söz açıb: “İlk matçda uduzasalar da, dominantlıq edir və daha yaxşı oynayırdılar. Futbolda belə şeylər olur. Səfərdə vurduqları 7 qol? Hələ 4 dəfə də rəqibi cəzalandıra bilərdilər! "Qarabağ" topa sahib olmağı xoşlayır və yalnız hücum edir. Belədə arxa xətdə boşluqlar qaçılmazdır. Bu, komanda üçün böyük riskdir. Amma "Ludoqorets"in qapısından 7 top keçirdilər. "Dinamo" üçün ciddi xəbərdarlıq olmalıdır. Bir məsələ də var: "Qarabağ"ın itirəcəyi heçnə yoxdur. Komanda artıq Avropa Liqasının əsas mərhələsinə vəsiqəni təmin edib. Düzdür, "Dinamo" da, ancaq zaqreblilər mütləq Çempionlar Liqasının əsas mərhələsinə yüksəlmək mənasında hələ də təzyiq altındadırlar”.
Messi yenə məşqi buraxdı
Minimum 3 həftə oynamayacaq
Azərbaycan milliləri Olimpiadaya qələbə ilə başladı
PSJ-nin futbolçusu "Vilyarreal"a keçdi
"Liverpul"un futbolçusunun ayağı sındı
2-ci Liqada 3-cü turun oyun cədvəli açıqlandı
"Real" ukraynalı qapıçı ilə yeni müqavilə imzalayır
"Karvan" ilk oyununda qalib gəldi - Video
Azərbaycan 1-ci liqasında yeni mövsüm başladı
Ukraynalı qapıçı ölkəsindən çayı üzərək qaçdı
1-ci liqada oyunların vaxtı bilindi
Ronaldo: “Mançester Yunayted” yenidən qurulmalıdır"
"Mançester Siti"nin futbolçusu zədələndi
Azərbaycan klubu ABŞ-dan transfer etdi
Fələstinli futbolçu Qəzza zolağında öldürüldü
Mourinyodan "Qalatarsaray"la Osimhenə tikanlı sözlər
İlk tura onlar təyinat aldılar
AFFA İntizam Komitəsi qərarları açıqladı
Xəbərlərimiz daha əlçatan oldu!
"O, "Qarabağ"dan bura hazır gəlib"
Avropada bu yayın ən yaxşı 10 transferi - Siyahı
Azərbaycan millisinin UEFA İnkişaf turniri üçün heyəti
Ronaldo ən yaxşı hesab etdiyi klubun adını açıqladı
Mourinyo milli komandalardan niyə imtina edib?
Poçettinonun yeni iş yeri rəsmiləşdi
Braziliya millisi uduzdu
Kroos Madriddə futbol klubu açacaq
Benzia Əlcəzair millisində qələbəyə sevindi
“Zirə”nin müdafiəçisi Nigeriyaya qarşı oynadı