19:07
“Yaxşı oyun yaxşı keçdi. İlk dəqiqələrdən göstərdik ki, qələbəyə layiqik. Matça nəzarət bizdə idi. Qol epizodlarımız da oldu. İlk hissədə daha 2-3 qol vura bilərdik. Bunun üçün şanslarımız da vardı. Lakin alınmadı”.
QOL.az saytına müsahibəsində bu sözləri “Sumqayıt”ın müdafiəçisi Elvin Bədəlov Misli Premyer Liqasında “Kəpəz” üzərində qazanılan 2:0 hesablı qələbəni şərh edərkən deyib.
O, ikinci hissədə “Kəpəz”in təzyiqi artırmasının səbəbini belə izah edib: “Həqiqətən də ikinci hissədə rəqib təzyiqi artırdı. Biz ilk 45 dəqiqədə yaxaladığımız şansları dəyərləndirsəydik, belə olmazdı. Əgər fasiləyə qədər daha 1-2 qol vursaydıq, ikinci 45 dəqiqə bundan rahat alınardı”.
Bədəlov fiziki və psixoloji cəhətdən yorğun olduqlarını vurğulayıb: “Biz də o deyildik. Həm fiziki, həm də psixoloji cəhətdən yorğun idik. Ayaqlar getmirdi. Ağıllı oyun və xarakter hesabına qələbə qazandıq”.
Təcrübəli müdafiəçi yeni transferlərə ehtiyac duyduqlarını bildirib: “Mövsüm boyu bu heyətlə oynayacağımıza inanmıram. Yəqin ki, qarşıdakı günlərdə komandaya yeni qoşulan futbolçular olacaq”.
29 yaşlı futbolçu növbəti turda səfərdə “Turan Tovuz”a qarşı keçiriləcək oyuna qədər fiziki və psixoloji cəhətdən toparlanacaqlarına inanır: “Çalışacağıq ki, hazır olaq. Vaxtımız var. Dincəlmək lazımdır. Bir qədər psixoloji durum narahat edir. Ümid edirəm ki, Tovuzdakı oyuna kimi daha yaxşı vəziyyətdə olarıq”.
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
UEFA milli komandalar üçün yeni format müəyyənləşdirdi
Meydanı özbaşına tərk edən bölgə klubu cəzalandırıldı
1-ci liqanın çempionu cərimələndi
AFFA-dan "Sabah" və "Neftçi"yə cəza
“İmişli”də yeni müqavilə
Son üç mövsümün 10 bombardiri
11 illik dövrün sonu
