21:39
“Bakıdakı hazırlıqlarımız yaxşı keçdi. İlk günlər əsasən fiziki hazırlıq üzərində çalışdıq”.
QOL.az saytına açıqlamasında bu sözləri “Araz-Naxçıvan”ın yarımmüdafiəçisi Vanderson Melo deyib.
Braziliyalı futbolçu Bakının istisinin onun üçün problem yaratmadığını bildirib: “Təbii ki, isti hava şəraitində ağır məşqlər keçmək çox çətindir. Lakin Bakının istisi mənim üçün problem deyil. Çünki Braziliyada yaşadığım şəhərin də iqlimi demək olar ki, Bakı ilə eynidir. Ona görə də hər hansı ciddi çətinlik yaşamadım”.
30 yaşlı yarımmüdafiəçi “Araz-Naxçıvan”dakı dəyişikliklərdən də söz açıb: “Bəli, mövsüm başa çatdıqdan sonra heyətdə ciddi dəyişikliklər oldu. Yeni komanda formalaşır. Futbolçuların bir-birinə öyrəşməsi üçün bir qədər zamana ehtiyacımız var. Tezliklə hər şey qaydasına düşəcək. Türkiyə toplanışı bu baxımdan bizim üçün faydalı olacaq. İnanıram ki, yeni mövsümdə daha güclü “Araz-Naxçıvan” görəcəyik”.
V.Melo yeni mövsümdəki hədəfləri barədə bunları söyləyib: “İndidən qəti fikir bildirə bilmərəm. Çünki klub daxilində bu barədə söhbətimiz olmayıb. Baş məşqçimizin də dediyi kimi, hazırda komandanın heyəti komplektləşdirilir. Amma istənilən halda komandamızın heyətində olan futbolçular uğur qazanmaq istəyir. Hər kəs meydana çıxarkən qələbə üçün əlindən gələni edəcək. Hesab edirəm ki, mövsümün ilk turuna qədər hazır olacağıq”.
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
