Felipe Santos yenidən Azərbaycan klubunda - Rəsmi

Felipe Santos yenidən Azərbaycan klubunda - Rəsmi
ÖLKƏ FUTBOLU 10 İyul 2024 / 12:36 6111
-  A +

“Araz-Naxçıvan” heyətini komplekləşdirmək istiqamətində çalışmalarını davam etdirir.

QOL.az klubun rəsmi saytına istinadən xəbər verir ki, Naxçıvan təmsilçisinin növbəti transferi Felipe Santosdur.

Braziliyalı yarımmüdafiəçi ilə anlaşmanın müddəti 1 ildir. 27 yaşlı futbolçu “qırmızı-ağlar”ın düşərgəsinə Erzurumda qoşulacaq. 

Yerli azarkeşlər üçün tanış sima olan və yarımmüdafiənin hər iki cinahında oynamağı bacaran Felipe Santosun son klubu “Hapoel Hayfa” olub. Karyerasına vətənində başlayan futbolçu “Palmeyras”ın uğurları üçün tər töküb. 2018-ci ildə yolunu Sloveniya çempionatına salan Santos əvvəlcə “Ankaran”, sonra isə “Maribor”un heyətində yer alıb. O, “Maribor”dan sonra Azərbaycana gəlib. “Şamaxı”nın formasını geyinib, sonra “Qəbələ”də oynayıb.

 Qeyd edək ki, “Araz-Naxçıvan” yay transfer dövründə Tərlan Əhmədli, Ürfan Abbasov, Bəxtiyar Həsənalızadə, Ülvi İsgəndərli, Ömər Buludov, Benny, Turan Vəlizadə və Karlos Jatobanı heyətinə qatıb, Kristian Avram, Vadim Abdullayev, Nuno Rodriges, İqor Ribeyro, Vanderson Melo, Elçin Mustafayev, Vüsal Şabanov, Tuqay Əlizadə,  Ramin Nəsirli və Miço, Küzmanoviçlə müqaviləni yeniləyib.

Daha çox


Son xəbərlər