Bacconun müsibəti

Bacconun müsibəti
DÜNYA FUTBOLU 21 İyun 2024 / 15:42 2806
-  A +

İtaliya millisinin sabiq hücumçusu Roberto Bacconun evi qarət edilib.

QOL.az “Corriere della Sera”a istinadən xəbər verir ki, hadisə dünən axşam saatlarında Bacconun Viçensa əyalətindəki evində baş verib.

Ailəsi ilə birlikdə Avro-2024-ün İtaliya və İspaniya milliləri arasında keçirilən oyununa baxan Bacconun evinə əllərində silah olan naməlum şəxslərdən ibarət dəstə soxulub. Keçmiş futbolçu quldurlardan biri ilə əlbəyaxa olub. Ancaq onun başına tapançanın qundağı ilə zərbə endirilib. Əfsanəvi futbolçunun başında qanaxma baş verib.

Bundan sonra Bacco və ailə üzvlərini evin bir otağına salaraq qapını bağlayıblar. Soyğunçular evdən qızıl-zinət əşyaları və pul oğurlayıblar.

Xatırladaq ki, İtaliya millisində 56 oyunda 27 qol vuran Bacco 1993-cü ildə “Qızıl top”u qazanıb.


Son xəbərlər
20.07.24  09:42

Lukaku "Napoli"də