... Beləliklə, iyunun 7-si oldu və millimiz Sombatxeydəki “Haladas SportKomplexum” arenada Avro-2024-ün iştirakçısı Albaniyaya yoxlama oyununda uduzdu. Futbolçularımızın bəzilərinin formada olmadığı ilk dəqiqələrdən göründü. İlk hissədə rəqibin, ikinci hissədə bizim millimiz yaxşı oynadı. 3 qol buraxmağımızda və ümumiyyətlə, uduzmağımızda fərdi səhvlər əsas rol oynasa da, bu heyətə yaxşı bir baş məşqçi çatmadığı da hiss olundu.
Matçın 44-cü dəqiqəsində yanımızda əyləşən şərhçi Gündüz Abbaszadənin “Azarkeşlərimiz yoxdur, amma mən varam, Şəhidlər ölməz, Vətən bölünməz” deməsini isə ilk alqışlayanlardan olduq.
Matçdan sonra millimizin üzvlərinin fikirlərini dinlədik və əksəriyyəti nəticənin oyuna görə olmadığını dedi. Doğrudan da ümumi oyuna nəzər salsaq, 1:3 hesabı ilə uduzmağımız ədalətsiz nəticə idi.
Qapıçı Şahruddin Məhəmmədəliyev isə qol buraxdığı epizoddakı səhvini az qala belə şərh etdi: “İnanırsınız, o qoldan xəbərim olmayıb”. Topu görmədiyini dedi. Hansı ki, top onun qorumalı olduğu qapının yaxın küncündən tora daxil oldu.
İyunun 8-də Anitanı bizi Slovakiyaya, daha dəqiq paytaxt Bratislavaya aparmağa “razı sala” bildik. Anita səfər boyunca bizim sürücümüzdür. Əvvəlcə qolundakı Ukrayna simvolu olan tatunu görəndə ünsiyyətin rahat olacağına sevinmişdik. Ancaq o, macarıstanlı olduğunu və qolundakı tatunun ukraynalı xaç anası ilə bağlılığını dedi. Ünsiyyətdən söz düşmüşkən, macar dili çox çətindir. Fin-uqor dil qrupuna aiddir ki, bu da ən çətinlərdən sayılır. Yəni nə rus dilinə yaxındı, nə ingilis.
Anita bizi Bratislavaya çatdırdı. Bükdən Bratislavaya 150 km-dir. 2 saata yaxın yol gedəndən sonra Slovakiyanın paytaxtına çatdıq. Avropanın ən böyük çayı olan, 10 ölkədən keçən, 4 paytaxtı ikiyə bölən Dunay Bratislavanı da gözəlləşdirir.
Böyük bir parkda tarixə aid festival keçirilirdi. Çəmənlikdə orta əsrlərə aid əsgər çatıdırları qurmuşdular, Cəngavərlər də var idi. Sonradan öyrəndim ki, Bratislava Avropada ən çox festival keçirilən şəhərlərdən biridi.
Bratislavanı gəzdikcə müasir və eyni zamanda orta əsrlərə məxsus ab-havası olan şəhər adamı özünə cəlb edir. Dunay çayı bu şəhərdən sakit axdığı üçün hövzəsi çox enlidi. Bu da Bratislavaya ayrıca bir gözəllik verir. Yerli əhali də Dunayın onların şəhərindən keçdiyi üçün qürurlanır. Çayın sahili ilə gəzdikcə onları başa düşürəm.
“Michael Gate” (Mixayıl qapısı) yerləşən küçədən də keçdik. “Michael Gate” bir vaxtlar şəhəri əhatə edən qala divarlarından yerdə qalan dörd qapıdan biridir. Hündürlüyü qülləsi ilə birlikdə 51 metrdir. Aşağısında məşhur brend mağazaları və restoranlar yerləşir.
Aşağıdakı şəkildəki isə hər gün minlərlə turistin ziyarət etdiyi Cumildir. Siz deyən elə da yaxşı adam olmayıb. Bürünc heykəl 1997-ci ildən buradadır. Kanalizasiya təmizləyən Cumil yorğun halda bu şəkildə dincələrkən küçədən keçən və qısa ətək geyinən xanımlara baxırmış. Yorğunluğunu belə çıxarırmış. Heykəl istilalardan sonra şəhərin yenidən inşasını simvollaşdırır.
Əslində Bratislavanın görməli və haqqında danışılası çox yeri var. Çünki şəhər başdan-başa tarixi abidədir. Ancaq çalışdım ki, gördüklərimdən yazım və millimizin Qazaxıstanla yoxlama oyununa saatlar qaldığından burada yazını yekunlaşdırmalı oluram.
Növbəti reportaj isə Avstriyanın paytaxtı Vyanadan olacaq.
Sonda isə jurnalistlərin Macarıstan səfərinin təşkili üçün “Misli”yə təşəkkür edirik.
Ramiq Ağaməmmədov
Slovakiya, Bratislava
"Şamaxı" serbiyalı futbolçu transfer etdi
Olimpiadanın açılış mərasimindən - Şəkillər
Azərbaycan nümayəndə heyəti paraddan keçdi - Paris-2024
"Turan Tovuz" Türkiyə toplanışını başa vurdu
"Zaqatala"dan ayrıldı, Belarus klubuna keçdi
"Kəpəz" 4 qolla qalib gəldi
Hummelsə rəsmi təklif göndərdilər
Bentekedən növbəti dubl, "Şamaxı"dan qələbə
Parisdə 500 min avroluq qarət
"Çelsi"nin futbolçusu Fransa klubuna keçdi
"Mançester Siti" yeni formasını təqdim etdi - Şəkillər
UEFA-dan azərbaycanlı FİFA referisinə yeni təyinat
"Sabah" legioneri ilə yolları ayırdı
Drondan istifadə etdi, istefaya göndərildi
"İmişli"dən ayrılan futbolçu 2-ci liqa klubunda
"Napoli"dən "Everton"a
UEFA Superkuboku oyununun hakimi bilindi
AFFA Hakimlər Komitəsinə əcnəbi mütəxəssis sədr təyin olundu
"Atletiko"ya qayıtdı, amma komandadan ayrı məşq edəcək
“Fehervar”dan heç də zəif deyilik" - Rövlan Muradov
"Barselona" böyük transferlər edə bilər"
Pepe karyerasını başa vurur
"Arsenal" PSJ ilə danışıqlara başladı
"Bizi səfərdə çox çətin oyun gözləyir" - Eldar Quliyev
Bu gün 33-cü Yay Olimpiya Oyunlarının açılışı olacaq
Boksçularımızın Paris-2024-dəki ilk rəqibləri bilindi
“Sabah”ın möhtəşəm qələbəsinin - Videosu
Azərbaycan UEFA reytinqində irəlilədi
Sumqayıtda 1 qırmızı vərəqə, 3 qol - Video
“Sabah”ın potensial rəqiblərinin oyununda irlandlar sevindi
"Zirə"dən 4 cavabsız qol - Video
“Zirə”nin potensial rəqiblərinin oyununda 6 qol vuruldu
“Hələ heç nə həll olunmayıb” - “Sabah”ın baş məşqçisi
"Sabah"ın qələbəsi - Şəkillər
"DAK 1904"ün baş məşqçisi üzr istədi
"Rəqib amansız mübarizə aparacaq" - Rəşad Sadıqov
"Fehervar"ın baş məşqçisi: "Rahat qələbə qazanmadıq"
"Sabah" "Makkabi"yə böyük hesabla qalib gəldi
"30 faizlik şansımızdan bərk yapışacağıq" - Samir Abasov
"Zirə" Konfrans Liqasına darmadağınla başladı
"Sumqayıt" "Fehervar"a uduzdu
Azərbaycanın daha bir millisi Ermənistanı məğlub etdi
"Makkabi" - "Sabah" oyunu üçün heyətlər açıqlandı
Azərbaycan millisi Ermənistana qalib gəldi