"Qarabağ"ın ÇL-ə ikinci mərhələdən başlaya biləcəyi - Rəsmən təsdiqləndi

"Qarabağ"ın ÇL-ə ikinci mərhələdən başlaya biləcəyi - Rəsmən təsdiqləndi
ÖLKƏ FUTBOLU 21 May 2024 / 15:25 10370
-  A +

"Real" Çempionlar Liqasının qalibi olarsa, "Qarabağ"ın 2024/25 mövsümü Çempionlar Liqasına ikinci təsnifat mərhələsindən başlayacağı rəsmən təsdiqlənib.

Bu haqda QOL.az saytına açıqlamasında UEFA-nın Yarışların Təşkili Komitəsinin, eyni zamanda "Qarabağ" Klubunun İdarə Heyətınin üzvü Asif Əsgərov məlumat verib.

Həmçinin oxuyun: "Real" udsa, "Qarabağ"ın Çempionlar Liqası yolu qısalacaq - UEFA-nın yeniliyi

ÇL-in finalı iyunun 1-də "Real" və "Borussiya" (Dortmund) arasında Londonda keçiriləcək.

Asif Əsgərov QOL.az-ın sorğusuna cavab olaraq deyib:

"Əlbəttə, hazırda Çempionlar Liqasının və digər yerli liqaların bitməsini gözləməliyik. Çünki bəzi klublar var ki, reytinqi bizdən yüksəkdir, amma onların hazırda bizi ötməsi ehtimalı görsənmir.

Beləliklə, "Real" Madrid yarışın qalibi olarsa, yeni mövsümdən "Qarabağ", eləcə də Macarıstanın "Ferensvaroş" klublarının ÇL-ə ikinci təsnifat mərhələsindən başlaması ehtimalı böyükdür. Bu, hər iki klubun reytinq əmsalının yüksək olması ilə əlaqədardır".

Qeyd edək ki, Azərbaycan çempionu ÇL-ə 1-ci təsnifat mərhələsindən başlayır. Lakin yeni mövsüm  avrokubokların formatının dəyişməsi UEFA reytinqi yüksək olan "Qarabağ"ın ÇL yolunu qısaldacaq. Bu, artıq İspaniya çempionu kimi ÇL-ə vəsiqəni təmin etmiş "Real"ın Çempionlar Liqasının qalibi olması sayəsində mümkün olacaq. 

Daha ətraflı bu yazıya daxil olaraq məlumat əldə edə bilərsiniz.


Son xəbərlər