"Sabah"ın məşqçisi: "Futbolçularımıza diqqətli olmaqlarını tapşırmışdıq"

"Sabah"ın məşqçisi: "Futbolçularımıza diqqətli olmaqlarını tapşırmışdıq"
ÖLKƏ FUTBOLU 24 Fevral 2024 / 20:30 2166
-  A +

"Birinci hissədə hər iki komanda məğlub olmaq istəmir. Ona görə də, komandalar ehtiyatlı oynayırdılar. Fasilədən sonra oyun daha maraqlı və dinamik oldu".

QOL.az xəbər verir ki, bu sözləri "Sabah"ın məşqçisi Ruslan Qafitullin Misli Premyer Liqasının 24-cü turunda "Səbail"ə uduzduqları görüş (0:2) haqqında danışarkən deyib. 

Mütəxəssis diqqətsiz davrandıqlarına görə məğlub olduqlarını bildirib: "Futbolçularımıza demişdik ki, "Səbail"də fərdi ustalığı olan oyunçular var. Onlara diqqətli olmalarını tapşırmışdıq. Amma müdafiədə diqqətsizlik edib birinci qolu buraxdıq. Ondan sonra daha açıq oyun getdi. "Səbail" çalışırdı ki, bizi əks-hücumda tutsun. Elə də oldu".

O, komandaya yeni baş məşqçinin nə vaxt təyin olunacağını bilmədiyini qeyd edib: "Hələ ki, məlumatımız yoxdur".

Məşqçi kapitan Elvin Camalovun performansını da dəyərləndirib: "Elvin elə oyunçudur ki, həmişə çalışır, özünə yaxşı baxır, bütün matçlara yaxşı motivasiya ilə çıxır. Meydançanın da təsiri var idi. Çox şey göstərə bilmədik".

Daha çox


Son xəbərlər
21.04.24  16:00

"Arsenal"dan rekord

21.04.24  14:28

"Bavariya"dan ayrılır