24.05.26
"Bura məğlub durumda gəlmişdik. İlk oyunda neqativ nəticə qeydə alınmışdı. Vəziyyəti xeyrimizə dəyişmək üçün qələbə lazım idi. 90 dəqiqə ərzində tarazlıq yaratdıq. Komanda yaxşı işlədi, vuruşdu, mübarizə apardı. Bəzi səhvlərə yol verdik. Onlar olmamalıydı. Amma ümumilikdə komanda vuruşdu. Həmin səhvlər cütün taleyini həll etdi".
QOL.az xəbər verir ki, bu sözləri "Braqa"nın baş məşqçisi Artur Jorje Avropa Liqasının pley-off mərhələsində "Qarabağ"a qarşı keçirdikləri cavab oyunundan sonra təşkil olunan mətbuat konfransında deyib. "Braqa" cavab matçında, Bakıda 3:2 hesabı ilə qalib gəlsə də, ilk görüşdə - evdə "Qarabağ"a 2:4 hesabı ilə uduzduğu üçün ümumi hesabda (5:6) məğlub olub və turnirdə mübarizəni dayandırıb.
Mütəxəssis bildirib ki, tez bir zamanda bərpa olmalı və yollarına davam etməlidirlər: "İlk oyunda qeydə alınan həmin nəticə bizi burada qələbə qazanmağa məcbur edirdi. Qalib gəldik. Amma mərhələ keçmək üçün yetərli olmadı. Tez bir zamanda bərpa olmalıyıq. Komanda çox güc sərf etdi, həm mənəvi, həm də fiziki cəhətdən. Bazar ertəsi növbəti oyunumuz var. Tez hazırlaşmalıyıq".
Artur Jorje "Qarabağ"ın futbolçusu Nəriman Axundzadənin "Braqa"ya vurduğu qolun ona daha çox təsir etdiyini söyləyib: "Heyətdə bəzi dəyişikliklər etmişdim. Buna məcbur idik. Heyətdə daha hazır oyunçular olmalı idi. Ümumi hesabı bərabərləşdirə bilmişdik. Mənə ən çox təsir edən buraxdığımız ikinci qol oldu. Belə səviyyəli yarışda belə qol buraxmaq, bağışlanmaz səhvdir".
"Portuqaliyada ilk oyunda azarkeşləriniz 4-cü qoldan sonra ağ bayraq qaldırmışdılar. Siz özünüz necə, bu nəticəyə görə ağ bayraq qaldıraraq istefa verməyi düşünürsünüzmü" sualına belə cavab verib: "Siz bütün mövsümü analiz edirsiniz, yoxsa bir oyunu? Nə deyim? Onu deyə bilərəm ki, mərhələni keçmək istəyirdik. Qalib gəldik, amma yetərli olmadı".
O, qonaqpərvərliyə görə Azərbaycana təşəkkür edib: "Qonaqpərvərliyə görə sizə təşəkkür edirəm. Hansı hisslərlə qayıdacağam? Təəssüf ki, Avropa Liqasını tərk edirik. Artıq yerli çempionata köklənəcəyik".
Azərbaycan minifutbol millisi ikiqat Avropa çempionu oldu!
A seriyası klubu baş məşqçisini göndərdi
"Tottenhem"in təklifini rədd etdi
Mühüm islahatlara imza atan rəhbər vəzifəsini tərk edəcək
"Bizi Azərbaycan yığması ilə çətin matç gözləyir"
"Hədəf həm sınaq, həm də qələbədir" - Ayxan Abbasov
Ayxan Abbasov: "Elvin özünə yeni klub tapmalıdır" - Video
"İrəli xətdə hər kəsdən qol gözləyirik" - Siyasət Əsgərov
"Səbrli olun, ən yaxşı məşqçini seçəcəyik"
Verdiyi sual rəhbərliyi qəzəbləndirdi
"Ayntraxt"dan getsə, klub 60 milyon qazana bilər
Mourinyodan Türkiyəyə qarşı rəsmi şikayət
"Karvan-Yevlax" onunla yollarını ayırdı
"Sabah" millinin üzvü ilə müqaviləni uzatdı
"Qarabağ" DÇ-2026-ya yollanacaq futbolçunu transfer edir
"Bayer"də baş məşqçi dəyişikliyi - Rəsmi
“Ayın qolu” layihəsində qaliblər açıqlandı
"Qəbələ" də kapitanla vidalaşdı
