"Bəlkə də, Murad Musayevin tələbkar olması uşaqlara təsir edirdi"

"Bəlkə də, Murad Musayevin tələbkar olması uşaqlara təsir edirdi"
ÖLKƏ FUTBOLU 11 Fevral 2024 / 21:49 4482
-  A +

"Oyun çox maraqlı keçdi. Amma kubok matçındakı kimi yenə dominant "Qarabağ" idi. Birinci və ikinci zonada onları qarşılamağa və əks-hücumlarda oynamağa çalışırdıq. "Qarabağ"a qarşı 100 faiz etibarlı oynamaq lazımdır. Hücumda da, müdafiədə də".

QOL.az xəbər verir ki, bu sözləri "Sabah"ın məşqçisi Ruslan Qafitulin Misli Premyer Liqasının 22-ci turunun "Qarabağ"la oyunundan (3:3) sonra keçirilmiş mətbuat konfransında deyib.

O, sabiq baş məşqçi Murad Musayevin gedişindən sonra "Qarabağ"a uduzmadıqları ilə bağlı sualı belə cavablandırıb: "Daha çox psixoloji cəhətdən futbolçularla danışdıq və onlara sərbəstlik verdik. Fərq ondadır ki, bəlkə də, Murad Musayevin tələbkar olması uşaqlara təsir edirdi. Amma İqor Ponomaryov gördü ki, 1:7-dən sonra komandaya çətindir və onlara azadlıq verdi".

"Sabah"ın məşqçisi Yusif İmanovun son dəqiqədə buraxdığı kobud səhv haqda da danışıb: "Öz emosiyaları ilə bacarmadı. Yusif yaxşı qapıçıdır. Bu gün çox yaxşı seyvləri oldu. Sadəcə emosiyaları ilə bacarmadı. Futbolda belə də olur. Deməzdim ki, İmanova görə heç-heçə oynadıq. Siz də oyunu izləyirdiniz. Bizim də hardasa bəxtimiz gətirdi. "Qarabağ"ın epizodları oldu, istifadə edə bilmədi. Heç-heçə yaxşı nəticədir".

Qafitulin adı "Zirə" ilə hallanan Davit Volkovun oynamamasının səbəbini də açıqlayıb: "Deyə bilmərəm. Amma bugünkü məlumat odur ki, hərarəti var". 

Daha çox


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında