"Sabah"ın heyətində demək olar ki, oynamırdım"

"Sabah"ın heyətində demək olar ki, oynamırdım"
ÖLKƏ FUTBOLU 12 Yanvar 2024 / 12:50 1976
-  A +

“İlk növbədə məni inanaraq komandaya dəvət etdiyinə görə məşqçilər heyətinə təşəkkür edirəm. Bu mövsüm “Sabah”ın heyətində demək olar oynamırdım, nadir hallarda meydana çıxırdım".

QOL.az xəbər verir ki, bu sözləri "Araz-Naxçıvan"ın yeni transferi İldar Alekperov klubun mətbuat xidmətinə açıqlamasında deyib.

"Sabah"dan icarəyə götürülən yarımmüdafiəçi qeyd edib ki, oynaya biləcəyi bir komandada özünü sınamaq üçün yaxşı şans yaranıb: "Artıq bir neçə gündür “Araz-Naxçıvan”ın düşərgəsindəyəm. Təbii ki, yeni komanda və heyət üzvlərinin arasına düşmüşəm və uyğunlaşmaq üçün az da olsa zaman lazımdır. Uşaqlar yaxşı qarşıladılar, aralarında tanıdıqlarım da var. Atmosfer yaxşıdır, baxıram, hamı oynamaq istəyir, bunun üçün çalışır.

“Zirə” ilə yoxlama görüşündə fasilədən sonra oyuna qoşulan futbolçu hələ tam hazır olmadığını bildirib: "Xüsusilə də fiziki planda axsamalar var. Oyundan sonra baş məşqçi ilə də söhbətimiz oldu, fikirlərini dinlədim. Əlbəttə, onun dedikləri çox önəmlidir. Elə etməliyəm ki, çempionatın bərpasına qədər çatışmazlıqları aradan qaldırım”.

Daha çox


Son xəbərlər
topaz banner